“Transport International Routier”

TIR (MDP) tizimi nima?

Hozirgi global iqtisodiyotda mahsulot ishlab chiqarish ko‘plab mamlakatlar va kompaniyalar hamkorligini talab qiladi. Masalan, oddiy bir piyola qahva tayyorlash jarayonida 18 ta mamlakatdagi 29 ta kompaniya ishtirok etadi. Avtomobil ishlab chiqarishda esa 10 mingga yaqin yetkazib beruvchilar qatnashadi. Bunday murakkab ishlab chiqarish va savdo jarayonlari logistika tizimi orqali bir-biri bilan bog‘lanadi.

Logistika zanjirlarida yuk avtomobillari muhim o‘rin tutadi , chunki ular ishlab chiqaruvchi, ombor, savdo tarmoqlari va iste’molchilarni o'zaro bog'lab turadi.

Amalda deyarli har bir mahsulot ishlab chiqarishdan tortib iste’molchiga yetib borguncha kamida bir marta avtomobil transporti orqali tashiladi.