Туган телдә сөйләшәбез УМК буенча әти-әниләр өчен киңәшләр, бергәләп өйрәнәбез, 2-3 яшьлек балалар өчен

Нәни чебиләр барсы да

Сары майка кигәннәр.

Зарядка ясарга диеп,

Бер урынга килгәннәр.

Корт, корт, корт, корт,

Бер урынга килгәннәр.

Туп-туп, матур туп,

Сикер, сикер, матур туп!

Бер-ике, бер-ике!

Сикер, сикер, матур туп

Йомшак су, йөгерек су!

Син мине чиста ю!

Бер тап та калмасын,

Битләрем аллансын,

Кулларым агарсын,

Тешләрем тазарсын..

Көз килде. Үләннәр

Саргайды, шиңде.

Сап-сары яфраклар

Җиргә сибелде

Сап-сары яфраклар

Җил искәч очалар.

Бөтерелә-бөтерелә,

Җиргә үк төшәләр.

(балалар шигырь текстына туры китереп йөгерәләр, әйләнәләр, чүгәлиләр)

Уен “ Шоферлар”

(Балалар тәрбияченең сүзләрен һәм хәрәкәтләрен

кабатлыйлар.)

Тәгәрмәчкә тын өрәм

(Балалар тәгәрмәчкә тын өрү хәрәкәте ясыйлар.)

Һәм моторны кабызам.

(Куллары белән ачкыч борган хәрәкәт ясыйлар.)

Машинама утырам,

(Руль тоткан хәрәкәтне күрсәтәләр.)

Бик еракларга китәм.

Би-биип!

(Сигнал тавышын кабатлыйлар.)

Менә борыным,

Бу — минем кашым,

Күзем, колагым,

Ә менә башым.

Авызны ачсам,

Телем күренә.

Тезелгән тешем

Өч бөртек кенә.

Кулны күрсәтсәм —

Аяк тыпырдый:

Үзеннән-үзе

Биергә сорый

Күрәсеңме, чыршыкай,

Безне, нәниләреңне.

Без бик-бик яратабыз

Синең тәтиләреңне.

Әл-лә-ли, әл-лә-ли,

Син, чыршыкай, бик тәти.

Син, чыршыкай-матуркай

Тәтиләреңне кабыз.

Без сине бик яратып,

Шатланып кул чабарбыз

Чәбәк-чәбәк-чәбәки,

тәтиләрең бик тәти

Бу бармак — бабай,

Бу бармак — әби,

Бу бармак — әти,

Бу бармак — әни,

Бу бармак — нәни бәби,

Аның исеме — Чәнти

Тыпыр-тыпыр басамын,

(Аяклар белән тыпырдыйлар)

Аннары әйләнәмен.

(Әйләнәләр)

Башны уңга борамын,

Башны сулга борамын,

(Башны, ике кул белән тотып, уңга-сулга боралар)

Ә аннары сикерәмен.

(Сикерәләр)

Балалар, учларына җиңелчә сугып, «коймак пешереп», тәрбияче

белән түбәндәге шигырьне кабатлыйлар:

“Матрешкалар” (Рус халык җыры,Ф. Хәзрәтова тәрҗемәсе)

Без — матрёшкалар, матур курчаклар.

Менә шундый, менә шундый

Чип-чиста куллар.

Без — матрёшкалар, матур курчаклар.

Менә шундый, менә шундый

Кызыл иреннәр.

Без — матрёшкалар, матур курчаклар.

Тып-тып итеп биибез без,

Шат күңеллеләр!

Балалар бармакларын алмаш-тилмәш битләренә, иреннәренә

тидерәләр. Кулларын билләренә куеп, аякларын тыпырдаталар

“Язгы тамчы”(М.Шәмсетдинова

көе, Х.Хәкимуллина сүзләре)

Тып, тып, тып, ты-пы-тып,

Тып, тып, тып.

Тамчы тама талларга,

Талларымның бөреләре

Куаныша шуңарга, куаныша шуңарга.

Тып, тып, тып, ты-пы-тып,

Тып, тып, тып.

Яз тама тамчы булып.

Кояш нурлары биешә,

Шул тамчыларга куанып,

Аюның өе зур,

(Кулларын өскә күтәрәләр.)

Куянныкы кечкенә.

(Чүгәлиләр.)

Аю йөри алпан-тилпән,

(Алпан-тилпән йөрү хәрәкәтен күрсәтәләр.)

Ә куяннар сикерә.

(Кулларыннан тәпиләр ясап, куян булып сикерәләр.)

Минем бар бер маэмаем,

Кара борын Акбаем.

Күп йөгерә, күп өрә,

Күп ишетә, күп күрә...

Ап-ак куян утыра,

(Балалар чүгәләп утыралар.)

Колакларын селкетә.

(Куян колаклары ясап, кулларын башка куялар һәм селкетәләр.)

Менә шулай, менә шулай

Колакларын селкетә.

Аңа тик тору кыен,

Җылыта ул тәпиен.

(Кулларын сыйпыйлар, уалар.)

Һап, һап, һап, һап,

(Кулларын чәбәклиләр.)

Җылыта ул тәпиен.

Куян тик торса туңа,

(Кулларын билгә куеп, куян кебек сикерәләр.)

Сикергәли ул шуңа.

Һап, һап, һап, һап,

Сикергәли ул шуңа.

Кем куянны куркытты?

Куян сикереп качты.

(Балалар, куян кебек сикереп,)

Ай, качты, качты, качты,

Куян сикереп качты.

Бик зур үстем инде мин,

Әниемә булышам:

Гөлләренә су сибәм.

Тәрәз төбендә гөлем

Ал чәчәккә күмелгән!

Бармак, бармак,

Кайда булдың?

«Бу абый белән

Урманда булдым.

Бу абый белән

Кырда йөгердем.

Бу абый белән

Ботка ашадым.

Бу энем белән

Җыр җырладым»

Алга таба барабыз: «Тип-тап-тап, тип-тап-тап!»

Гөрләп чаба паровоз: «Тип-тап-тап, тип-тап-тап!»

Ак төтен артта кала: «Пух-пах-пах, пух-пах-пах!»

Вагоннар җырлап чаба: «Ах-ох-ух, ах-ох-ух!»

Свисток яңгырап китә: «Пу-ту-ту, пу-ту-ту!»

Тавыш еракка китә: «У-у-у, у-у-у!»

Бик күп җирләрне үттек: «Чаң-чаң-чаң, чаң-чаң-чаң!»

Урманга да без җиттек: «Дың-дың-дың, дың-дың-дың!»

Зур паровоз уфылдый: «Пуф-пуф-пуф, пуф-пуф-пуф!»

Бүген бик арыдың, ди: «Уф-уф-уф, уф-уф-уф!»

Туп-туп тубыбыз,

Син безнең матурыбыз,

Тишмәбез дә югалтмабыз,

Оста тота кулыбыз.

Рөстәм, сиңа да бирәбез,

Әйдә уйныйбыз бергә,

Кирәк аны, чөеп-чөеп,

Тотып ала белергә.

Туп сикерә, син дә сикер,

Тыпыр-тыпыр тыпырда,

Дуслар белән уйна бергә,

Читтә генә утырма.

Туп-туп тубыбыз,

Сикерәбез, көләбез,

Югары оч, түбәнгә төш,

Без тотып өлгерәбез.

Аюның күлмәген юам,

(Кер юуны имитациялиләр.)

Аннары чайкыймын,

(Чайкыйлар.)

Әйбәтләп сыгамын

(Сыгалар.)

Һәм бауга эләмен.

(Ике кул белән элү хәрәкәте күрсәтәләр.)

Аю күлмәген кисен,

(Җилкәдән аска таба ике кул белән гәүдәләрен сыйпыйлар.)

Чисталыкка сөенсен!

(Аякларын аю кебек аерып куеп, як-якка авышып йөриләр.)

Безнең Гали бигрәк тату Кәҗә белән,

Менә Кәҗә карап тора тәрәзәдән.

Гали аны чирәм белән кунак итә,

Кәҗә рәхмәт укый: сакалын селкетә.

Карга әйтә: «Кар, кар,

Мичтә бәлеш бар, бар,

Мичтән бәлеш алыр идем,

Өйдә кунак бар, бар»

Яратам мин өемне,

Әти белән әнине,

Абый белән энемне,

Бишектәге сеңлемне

Кәккүк, чыпчык,

Тәрәзәдән очып чык,

Галиянең өстенә

Матур күлмәк биреп чык.

Мин келәттән себерелгән,

Каймакка басылган,

Камырдан ясалган.

Әбидән дә качтым мин,

Бабайдан да качтым мин,

Синнән качам да качам!....

Тор-тор, тургай!

Таң, таң ата бугай.

Син дә кил, чыпчык!

Чырык, чырык, чырык

Туктап сана,

Тамчы тама:

Тып, тып, тып.

(бер кул учына икенче кулның имән бармагы

белән кагалар.)

Төшә-төшә,

Бозны тишә:

Тып, тып,тып.

(Икенче кулның учына бармак белән кагалар.)

Яз бу, ишет,

Кага ишек:

Тып, тып, тып.

Тук-тук, тукран,

Тукылдатып утырам,

Мичтә бәлеш пешәме?

Шуны көтеп утырам.

Кояш, чык, чык, чык,

Майлы ботка казанда,

Тәти кашык базарда.

Әти китте базарга,

Тәти кашык алырга.

Тәти кашык саф алтын,

Кирәкми безгә салкын!

Тәрбияче эндәшне

Йомры йомшак сары йомгак

Йөгереп йөри чирәмдә.

Бу нәрсә? (Чеби)

Бер кошка кызыгамын:

Тәпие кызыл аның.

Атлаган саен, баш ия —

Гадәте кызык аның.

Гөлдер-гү, гөлдер-гү,

Бигрәк чибәр, кемдер бу? (Күгәрчен)

Мыраубикә кызык та соң:

«Мыр-мыр-мыр» итә-итә,

Әбиемнең итәгендә

«Гыр-гыр-гыр» йоклап китә