Түз сызыктан тегиздикке чейинки аралык

Эсеп керек бул жашоодо дайыма Мейли жашка, мейли эңкейген карыга Самолет кур , корабль кур баары бир Курулушка жана башка баарына Баары, баары эсеп менен жаралат Эсеби жок иши жүрбөйт такалат Ошондуктан математика илими Акылдын гимнастикасы аталат

1- суроо Сыйда сакал , кер мурут, Он эки миң жигити Эр Манасты жандады Толук жаштуу аксакал Тогуз миңи тандалды Бай Жакыпты жандады Байбиче Шакан кудагый Барууга болгон ылайык Тогуз жүз болду кемпири Толуктап баарын кетирди Кудага канча киши барган тапкыла ?

( 12000+9000+900+3=21903)

2- суроо Күндүн узактыгы 9 саат болсо, түндүн узактыгы канча?

(15 саат).

3-суроо Үч бурчтуктун канча диагоналы бар ?

(Диагоналы жок).

4-суроо Биссектриса деген сөз кыргызча эмнени түшүндүрөт?

(Тең экиге бөлүү).

А З А М А Т Т А Р !

Сабактын темасы: Түз сызыктан тегиздике чейинки аралык. Кайчылаш түз сызыктардын арасындагы аралык.

Сабактын максаты: а) түз сызыктан тегиздике чейинки аралык, кайчылаш түз сызыктардын арасындагы аралыкты таба алышат б) мисал иштөөгө калыптанышат в) турмуштагы мисалдарды угуп жана байкоо менен ойлоо сезимдери калыптанат, таанып-билүү жөндөмү жогорулайт

1. Параллель эки тегиздиктин арасындагы аралык

Параллель эки тегиздиктин арасындагы аралык деп - алардын биринин каалаган чекитинен экинчисине түшүрүлгөн перпендикулярдын узундугун айтабыз.

Чындыгында, параллель эки тегиздикке жалпы перпендикуляр болгон түз сызыктар дайыма табылат , ал түз сызыктар параллель болушат жана параллель тегиздиктердин арасында жаткан алардын кесиндилери барабар болот. Ошондуктан параллель эки тегиздиктин биринин каалаган чекитинен экинчисине түшүрүлгөн пепендикулярдын узундугун алардын арасындагы аралык катары алууга болот.

2. Кайчылаш эки түз сызыктын арасындагы аралык.

Кайчылаш эки түз сызыктын арасындагы аралык катары алардын арасындагы эң кичине аралыкты алышат. Ал аралык эки түз сызыктын ар бирине пепендикуляр болуп, учтары ал түз сызыктарда жаткан кесиндинин узундугуна барабар (1-2-сүрөттөр).

Түз сызык тегиздикке параллель болсо, анда түз сызыктан тегиздикке чейинки аралык деп, түз сызыктын каалаган чекитинен тегиздикке түшүрүлгөн пепендикулярдын узундугун айтабыз.

Үй тапшырма: Түз сызыктан тегиздике чейинки аралык. Кайчылаш түз сызыктардын арасындагы аралык.