" Тылсым " шигыре ( иҗади эш )

Тылсым

Кечкенәдән китап укып үстем

“Китап җене” кагылган шуңа

Китапханә һәрчак ачык иде

Кар – бураннар тимәде миңа.

Китапханәче Резидә апа

Каршы ала иде елмаеп ;

• Әйдә әле ,кызым , уз, рәхим ит ,

Яңа китаплар бар тагын ,- дип.

Шулай мине магнит тылсымыдай ,

Китап дөньясына керткән ул.

Габдулла Тукайның “ Су анасы “,

“ Кәҗә белән Сарык “, “ Шүрәле”се

Мәгърифәткә күпер салган юл.

Тукай әсәрләрен юлдаш итеп ,

Белем үрләренә үрләдем.

Гыйбрәтле ачы язмышыннан да

Яшәү өчен бетмәс көч алдым.

Ата – ана назы күрми үскән ,

Кулдан – кулга язмыш ыргыткан

Бишек җырлары , мөнәҗәтләре

Тукайны халыкка таныткан.

“ Туган тел”е – татарларның гимны ,

Нәниләргә бишек җырлары,

Әби – бабайларга “ Әллүки”е –

Һәр буынга йөрәк җырлары...

Китап арты китап... актарынам ,

Уйлап баксаң , исең китәрлек

Япь – яшь егет , әле өйләнмәгән

Эше – гасырларга җитәрлек.

Сокланам да , кызганам да үзен

Ана назы күрми үскәнгә

“ Исемдә калганнар”ын күр син –

Әйләнеп карасаң үткәнгә !

Укучыларыма дәрес бирәм

Үзем сөйлим , үзем уйланам...

“ Туган авыл “ , “Пар ат “ , “ Карлыгач”ын

Рәхәтләнеп җырлап җибәрәм.

Еллар арты еллар шулай үтә

Китап белән дус мин хәзер дә

Мәгърур җанлы Тукаем бар диеп ,

Горурланып яшим бистәдә.

Еллар арты еллар үтсә дә ,

Чәчләремә чаллар төшсә дә.