Улас түрын урилдаанай дүрим

СОГЛАСОВАНО: УТВЕРЖДАЮ: УТВЕРЖДАЮ:

Врио Министра Председатель Директор

Образования и науки РБ Ассоциации этнокультурных ГБОУ «РБНЛИ № 1»

__________________ образовательных организаций _____________

В.А. Поздняков ___________________ Б.Б. Шойнжонов

«____»________ 2021 г. Б.Б. Шойнжонов

«____»__________ 2021 г. «___»_______ 2021 г.

Юртэмсын хүн түрэлтэндэ

Эхэ хэлэнһээ ондоо

Мүнхын аршаан үгы.

Буряад хэлэнэй сахим һураха номоор

Улас түрын онлайн-мүрысөөн

“БУРЯАД ХЭЛЭН – ЭХЭ ХЭЛЭН”

1. Үүсхэн байгуулагша:

Буряад Уласай болбосоролой болон эрдэм ухаанай яаман

1. Эмхидхэгшэ:

Буряад Уласай үндэһэтэнэй 1-дэхи лицей-интернат

1. Зорилгонууд:

• Түрэл буряад хэлэнэйнгээ нэрэ хүндые үргэхэ, “Буряад хэлэн – эхэ хэлэн” гэһэн сахим һураха номой хэрэглэлгэ багшанарай, һурагшадай дунда дэлгэрүүлхэ; һонирхолыень татаха;

• сахим һургаха хэрэгсэлнүүдые шудалалгада һурагшадай шадабари үргэдхэхэ, сахим номой нөөсэтэй ажаллаха дадалыень түлэбшүүлхэ;

• оршон үеын һургалтын технологинуудай туһаламжаар түрэл хэлэеэ сахиха, хамгаалха талаар хубитаяа оруулалсаха.

1. Хабаадагшад:

Тус мүрысөөндэ Буряад хэлэнэй сахим һураха номоор аймагай хэмжээндэ илажа гараһан 2-11-дэхи классуудай һурагшад хабаадаха эрхэтэй.

Аймаг бүхэнһөө 10 (арбан) хабаадагшад оролсохо: 2-дохи ангиһаа – 1 хүн, 3-дахи – 1 хүн, 4-дэхи – 1 хүн, 5-дахи – 1 хүн, 6-дахи – 1 хүн, 7-дохи – 1 хүн, 8-дахи – 1 хүн, 9-дэхи – 1 хүн, 10-дахи – 1 хүн, 11-дэхи – 1 хүн.

Ажаглалта: Буряад хэлэн – түрэл хэлэн, буряад хэлэн – гүрэнэй хэлэн гэһэн һуралсалай программануудаар үзэжэ байһан һурагшад адли тэгшэ хабаадаха зэргэтэй.

1. Мүрысөө үнгэргэхэ гурим:

• Мүрысөөнэй материалнууд сахим һураха номой иимэ һалбаринуудһаа абтаха: Даян дэлхэй, Фонетикэ, Лексикэ, Морфологи, Синтаксис.

• Даабаринуудынь Online test pad гэһэн хабсаргалтын программада оруулагдаха.

• Бүхы асуудалнууд, даабаринууд буряад хэлэн дээрэ үгтэхэ.

• Асуудалнууд, даабаринууд хабаадагшадай наһанайнь хараада үгтэхэ.

• Мүрысөөнэй материалнуудые дээдэ һургуулиин эрдэмтэд зохёон байгуулха.

• Мүрысөөн Интернет холбоондо ZOOM гэhэн талмайда эмхидхэгдэхээр хараалагдана.

• Мүрысөөндэ хабаадаха мэдүүлгэеэ октябриин 16 болотор [email protected] хаягаар эльгээхэ.

• 10-11-дэхи ангиин һурагшадай ажалнуудые 1-дэхи хабсаргалта баримталан, октябриин 18 болотор [email protected] хаягаар эльгээхэ.

• Октябриин 18-да хабаадагшадай сахим хаягуудаар, мүн хүтэлбэрилэгшэ багшанарай вайбер бүлгэм руу мүрысөөнэй даабаринуудай ссылкэ (холбооһо) ябуулагдаха. Энэл үдэртөө багшанар һурагшадтаа ссылкыень дамжуулха ёһотой.

• Ссылкэ мүрысөөнэй үдэр, октябриин 19-дэ нээгдэхэ.

• Даабаринуудые нэгэ (1) удаа дүүргэхэ эрилтэ табигданхай. Компьютер гү, али ноутбук хэрэглэхэ.

• Багшанарта, хүтэлбэрилэгшэдтэ, мүн бусад хүнүүдтэ мүрысөөнэй үедэ ссылкэ хэрэглэжэ, хабаадажа огтолон болохогүй.

• Мүрысөөн ZOOM талмай дээрэ үнгэрхэ тула, 11:00 сагта хабаадагша бүхэн бэлэн болоод байха. Эндэ һургуули, һурагшын нэрэ, обог заатагүй зүбөөр бэшэхэ хэрэгтэй. Хабаадагша ZOOM соо эли тодоор харагдаха ёһотой (Эндэ смартфоноор хажуу тээһээнь буулгажа байбал зохистой).

• Буряад хэлэнэй габшагай һара дэмжэн, һурагшад үндэһэтэнэйнгээ хубсаһа үмдэхэ.

7. Мүрысөөнэй саг болзор: 2021 оной октябриин 19

• 2-дохи анги – 11:00 – 11:40 (модератор Будаин С.Г.)

• 3-дахи анги – 11:00 – 11:40 (модератор Лубсанова Ц.В.)

• 4-дэхи анги – 11:00 – 11:40 (модератор Шойнжонова Д.Б.)

• 5-дахи анги – 11:00 – 11:40 (модератор Батомункуева Л.М.)

• 6-дахи анги – 11:00 – 11:40 (модератор Осорова Э.Н.)

• 7-дохи анги – 11:00 – 11:40 (модератор Ринчинова О.В.)

• 8-дахи анги – 11:00 – 11:40 (модератор Мункуева М.Б.)

• 9-дэхи анги – 11:00 – 11:40 (модератор Бадмацыренова Ц.Б.)

• 10-дахи анги, 11-дэхи анги – октябриин 18 болотор видеозураглалнуудые эльгээхэ ёһотой.

1. Дүн гаргалга.

Буряад Уласай үндэһэтэнэй 1-дэхи лицей-интеранадта дүн гаргагдаха.

2-9-дэхи ангиин хабаадагшадай дунда илагшадынь 12:00 сагһаа 13:00 болотор тодорхо.

10-11-дэхи ангиин һурагшадай дүн 13:30 сагһаа 15:00 болотор элирхэ.

15:00 сагта тусгаар вайбер бүлгэм соо дүнгүүдэй хүсэнэг эльгээгдэхэ.

Хабаадагшадай рейтинг наһанайнь хараагаар, класс классаар элирүүлэгдэхэ.

Мүрысөөнэй бүхы хабаадагшадта баталамжанууд мэдүүлгэ соо үгтэһэн сахим хаягаар эльгээгдэхэ.

1, 2, 3-дахи һууринуудые эзэлһэн илагшадтань үргэмжэлэл болон мүнгэн шан, илагшадые бэлдэһэн багшанарта баярай бэшэгүүд, баһа мүнгэн шан барюулагдаха юм.

1. Эмхидхэлэй хорооной хаяг:

670034, Улаан-Үдэ хото, Чертенковой гудамжа, 30. Буряад Уласай үндэһэтэнэй 1-дэхи лицей-интернат, утаһанай дугаар: 44-62-03, сахим хаяг: [email protected]

1-дэхи хабсаргалта

Мүрысөөнүүд:

2-дохи анги

«Даян дэлхэй» гэhэн hалбари сооhоо абтаһан амитадай, шубуудай, загаһадай зурагууд тест соо харуулагдаха, һурагшад зүб харюунуудые шэлэхэ.

3-дахи анги

«Даян дэлхэй» гэhэн hалбари сооhоо абтаһан амитадай, заһагадай, шубуудай, хорхой шумуулай, ургамалнуудай зурагууд тест соо харуулагдаха, һурагшад зүб харюунуудые шэлэхэ.

4-дэхи анги

«Фонетикэ» гэhэн hалбари сооhоо тест дүүргэхэ.

5-дахи анги

«Фонетикэ» гэhэн hалбари сооhоо тест дүүргэхэ.

6-дахи анги

«Фонетикэ», «Лексикэ» гэhэн hалбаринууд сооhоо тест дүүргэхэ.

7-дохи анги

«Фонетикэ», «Лексикэ», «Морфологи» (юумэнэй, тэмдэгэй, тоогой, түлөөнэй нэрэнүүд) гэhэн hалбаринууд сооhоо тест дүүргэхэ.

8-дахи анги

«Морфологи» (бэеэ дааһан хэлэлгын хубинууд) гэжэ hалбари сооhоо тест дүүргэхэ.

9-дэхи анги

«Синтаксис» гэжэ hалбари сооhоо «Холбуулал», «Юрын мэдүүлэл, тэрэнэй байгуулга», «Мэдүүлэлэй нэгэ түрэл гэшүүд» гэһэн сэдэбүүдээр тест дүүргэхэ.

10-11 - дахи анги

Сахим номой «Буряад юртэмсэ» гэһэн һалбари соо, Байгал далайн зурагуудые хэрэглэн, «Байгал далайе, байгаали хамгаалха жэлдэ» зорюулагдаһан, 3-4 минутын өөрын видеозураглал буулгажа , [email protected] хаягаар октябриин 18 болотор эльгээхэ.

Мүрысөөнэй шүүгшэд Танай хүдэлмэринүүдые анхаралтайгаар хаража, зүбѳѳр сэгнэхэ гэжэ найдуулнабди.

2-дохи хабсаргалта

Мэдүүлгын хэб

Амжалта хүсэнэбди!

6