Урок "Лирика сярысь валан" 5класс

Шамсиярова Лилия Раисовна,

учитель удмуртского языка и литературы,

МБОУ СОШ с.Арибашево

второй квалификационной категории

КЫЛБУРАН ДУННЕЫН

Удмурт литература. 5 класс

Лирика.Улонысь ритмъёс.

Мугъёсыз:

Пиналъёсты пӧртэм кылбур размеръёсын тодматоно;размеръёс кылбурлэн пуштросэныз герӟаськемын шуыса возьматоно;ритм сярысь валан сётоно.

Уроклэн мынэмыз:

- Пиналъёс асьмеос туннэ вуомы паймымон дуннее, учкелэ котырак кыӵе шулдыр , тылобурдоос чирдо. Кызьы малпаськоды литературалэн кыӵе люкетаз таӵе шулдыр?(пиналъёс асьсэлэсь малпанъёссэс верало)

- Лирика шаерын асьмеос.(Слайд 1)

- Литература ӵыдонтэм крезьгур кадь: жингыртэ, бордазвозе. Слайд2 Лирика литературалэн одӥгез люкетэз-родэз (дӥнез).(Слайд 3)

Кылбур- лирикаез возьматон амал,солэн жанрез. Кылбурчиос усто кырӟасьёс выллемесь . Соосыз куаразыя тодманы луэ. Котькуд кылбурчилэн аслаз куараен шудон манерез-интонациез.

«Ритм»кыллэн пуштросэз бордын ужан.

1.Эскеромы кык графикъёсты. Нырысетӥез кардиограмма выллем, адямилэн сюмызлэсь жугиськемзэ возьматэ.Кыкетӥез – приборлэн адямилэсь кулон дырзэ возьматӥсь вакыт.

- Тӥ азьын туала суредасьлэн ужез.(слайд 4)

Кызьы нимасалды суредэз? ( « Ӝужытгурезь но ярдур», « Улон но кулон», « Тунсыко но мӧзмыт улон»)

- Вералэ,маар уг тырмы кыкетӥ графиклы?( Ритмичной движение)

- Сюлэмлэсь жугиськемзэ сяна, кыӵе мукет ритмъёстытодӥськоды на?( Час тиккетэ, вагон колёсаос йыггето, заводын конвейер)

- Табере асьтэлэсь улон ритмдэс суредалэ.

Пиналъёс нырысь ас понназы ужало, собере лэсьтэм ужъёссэс эскеро.Самой тунсыкооссэ быдэс класслы возьмато

2. Чузъясько пӧртэм крезьгуръёсысь люкетъёс ( полька, вальс, марш) Та крезьгуръёслэсь ритмзэс киосын чабыса возьмато.

Кылбур размеръёсын тодматскон слайд 5

3. Сётэм кылбур чуръёслэсь ритмзэс гожтэ. Уже кутыны быгатоды пӧртэм знакъёсты. Пусъе ударениоссэ. Ударениен слогез «–« ударенитэмзэ «͜ «

Котькуд пинал басьтэ карточкаос.

Карточкаосысь ужъёс:

1. Сӥзьыл куазь ас понназ туж чебер…

2. Шимес куашетэ лек сильтӧл нюлэскын…

3. Ялыке,ялыке,ойдолэ,ойдолэ…

4. Вожой дурын бадӟым пужым…

5. Ӟеч-а,бур-а выль ю-нянь…

- Озьыен, кылбурлэн ритмез – со ударной но ударной луисьтэм слогъёслэн огкадь вошъяськемзы. Соин ик кылбурен верам малпан чылкак мукет сямен чузъяське. Чурлы быдэ куара огсыргес я кужмоя, я вис каре. Тӥни озьы куаралэн огсыр вошъяськемез кылбурлэсь ритмзэ кылдытэ.

Тӥ шӧдӥды ,луоз, котькуд чурысь огвыллем люкетьёсты. Отын вань ударениен но ударенитэм слогъёс .Соос яке кык, яке куинь слогъемесь . Соосты стопа шуомы.

4.Дышетӥсь тодматэ пиналъёсты ямб,хорей,дактель,амфибрахий,анапест,кылбур размеръёсын. Слайд 6 Ӵӧшатон асьсэ лэсьтэм смемаоссэс. Солэсь размерзэ но стопазэ пусъё.

Карточкаослы валэктонъёс но схемаос:

5.-Ойдолэ табере «лулъяломы» та размеръёсты. Вӧзаз кылдэм мылкыддэс одӥг кылын гожтэ (данъяськон,капчи ,мӧзмыт,сэзь…)

Кылбурлэн размерез юрттэ усьтыны кылбурлэсь пуштроссэ но мылкыдзэ.

6.Котькуд группалы сётӥсько кылбуръёс .

-Ӵош эскере но тодэ та кылбурчуръёслэсь размеръёссэс.слайд 7

а ) Мон вордски Кам дурысь нюлэсо шаерын ,

Ортчытӥ но татын ик пинал аръёсме .

Секытсэ но,ӟечсэ но адӟи улонын,

Мон дыши дунъяны вордӥськем палъёсме .

Д.Яшин

б )Нош чирдо тюрагайёс ,

Вожтурын ӝужа возьёс вылэ.

Ӝог меда егит пиос

Бертозы гужем каникулэ?

С.Широбоков

в )Нюлэс чусомиз ,сӥялскиз,

Уг ӝуа палэзь горд тылын .

Льӧлесь куаръёс писпуос

Уг пишто чагыр шурвылын.

С.Широбоков

г )Куке паськыт муос вылысь

Лымы чылкак шуназ,

Сюмъё мылысь-кыдысь

Кутскиз геры бордаз.

А.Лужанин

д )Яратэ Колямы

Пичигес кисыяз

Арбери люканы.

Пӧртэмесь усьтонъёс

Сӧриськем ручкаос,

Векчиез бинетъёс.

Мар уд шедьты шкафысь,

Тон шедьтод со ӟепысь.

Ныркышет гинэ тон

Уд,уд шедьты отысь.

В.Кирилов

е) Яратэ,яратэ,яратэ

Шундыез,лыз инмез, музъемез.

Аратэ,аратэ, аратэ

Дуннеез,яратон тылжуэз

В. Котков

Валэктонъёс:

А) анапест

Б) хорей

В) амфибрахий

Г)ямб

Д) анапест

Е) дактиль но анапест

Ӵош ужамзы бере кылбур чуръёсты лыдӟо но верало размерзэ, кылдэм мылкыдъёссэс.

7. Эскеромы сётэм кылбурез. Лыдӟомы сое.

- Секыт –а, капчи-а потӥз та кылбурез лыдӟыны Малы?( Капчи. Кылбур чуръёслэн пумазы кылъёс ог кадь дугдо:дӥсяй- песяй, изьыме – шудэме.)

чуръёс пумысь огкадь куараослэсь но кылъёслэсь кылӥськемзэс рифма шуо.

8. Рифмаосын шудон.

Класс люкиське кыклы Нырысетӥ рядлы тари кыллы рифмаен кылъёс малпано, кыкетӥ рядлы туг кыл. Быгатэмдыя ньыль чуръем кылбур гожтэ.

Пиналъёслэн ужъёссы:слайд 8

Пери,Тури,ӟугыри,ури-бери,кури,пыри,гыри,Гири…

Шуг,муг,круг,уг

9. Табере тӥ тодӥськоды ни ритм но рифма сярысь. Соос пумисько кылбуръёсын. Нош кыӵе меда тӥляд улондылэн ритмез? Кыӵ размерен меда сое ӵошатысалды?

Доре уж слайд 9

Гожтэ вакчияк сочинение « Мынам улонэлэн ритмез» темая