Ұстаздарыма мың алғыс !!!

Ұстаздарыма мың алғыс !!!

« Ұстаздық еткен жалықпас, үйретуден балаға » демекші, мені ұстаздық жолға дайындаған,сабақтың құрылымы, алғашқы сабақ жоспарын жасау, сабақтың түрін тиімді таңдай білу т.б. жұмыстарға баулыған, Рудный әлеуметтік – гуманитарлық колледжінің мұғалімдеріне алғысымды білдіремін.Соның ішінде жылы жүзбен бізді қарсы алып, өздерінің мұғалімдік жолдарымен бөлісіп, әрқашан қолдап, алғаш сабақты практика жүзінде өткізгенде көп көмек көрсеткен Б.Тұрағұлова, Р.Абишева, З. Жұматаева апайларымызға шексіз алғысымды айтқым келеді. Рудный әлеуметтік – гуманитарлық колледжін аяқтап, дипломмен ауылға бағдарламасы бойынша «Алтынсарин орта мектебіне» жұмысқа кірдім.Міне бес жыл да көзді ашып жұмғандай өте шықты.Сол кісілер сияқты кішкентай бүлдіршіндердің ұстазымын. Және де мен оқыған колледждің түлектері де осы мектептің бетке ұстар ұстаздары. Атап кететін балсам: Ержанов Дәурен – директодың оқу ісі жөніндегі орынбасары, Ержанова Сәния, Нұртазина Гүлмира - бастауыш сынып мұғалімі. Мен таңдаған мамандықта қиындығы мен қызығы қатар жүретініне көзім әбден жетті. Жұмысқа алғаш кіргенімде ешқандай қиындық көрмедім десем де болады.Өйткені колледж мұғалімдері берген теориялық ұғым мен байқау практикасы көп көмегін тигізді.Әлі де сол кісілердің үйреткені бойынша жұмыс істеудемін.

Арайгүл ДОСАНОВА