Вайна аьла везац-Дувцар.

Урок № 8.

Тема: Вайна аьла везац .

Лоарх1ам: цу дувцара чулоацам бовзийтар,вай даьй хоза г1улакхаш довзийтар;боккхаг1бараш лерх1а 1омабар дешархой .

Гойтара г1ирс : « Г1алг1ай багахбувцам «, бераша дехка сурташ .

Урока никъ :

I. Кийчо ю ха.

II. Ц1аг1ара болх тахкар :

1) "Наьсар" яхача дувцара чулоацам хьабувцийт.

2) Хаттараш дар дешархошка :

- Х1ана хиннад аьлан нускал г1айг1ане?

- Мишта къаста лаьрх1а хиннад цо аьланцара?

- Фу саг хиннав Наьсар?

- Мишта т1аийцав Наьсара Ачам ?

- Сендухьа вийнав цо Ачам ?

- Фу аьннад гуржий з1амигача саго Наьсарга ?

- Мишта Т1аийцав гуржий з1амигача сага дас-нанас Наьсар ?

- Белгалдаха доттаг1алах а къонахчалах а дола кхыча багахбувцама йоазошкара масалаш....

3) Дешархоша дахкача сурташцара болх.

III. Урока темацара болх :

1) Урока темах лаьца къамаьл дар дешархошца.

2) " Вайна аьла везац" -1одешийт дикаг1а дешача дешархочунга.

3) Ца довза дешаш довзийт.

4) Цун чулоацам башхар :

- Малаг1ча къамашца дукхаг1а юкъмоттигаш лелаяьй г1алг1аша ширача замашка?

- Фу къамаьл деш хиннад шоайцига хьоашалг1а бахача г1алг1ашка Кавказа къамаех болча фусам-даьша ?

- Фу аьннад аьлал харжа,аьнна юртахоша белгалваьча воккхача саго гулбеннача нахага?

- Х1ана аьннад цо из ?...

5) " Вай даьй хоза г1улакхаш " яхача темах з1амига йоазон болх бе беза.

IV. Урока корта бар.

V. Ц1аг1а : чулоацам ха, О. 18 - 19 .; классе болабаь болх кхоачашбе.