Vasi Filioglu. Şiir “Sevda dadı”. Sevda – güneş yaşamakta, sevda – yıldız karannıkta.

Subkompetenţiya

İş çeşitleri

Kantarlamak

Didaktika

kolaylιklarι

Denemeklӓr

standartlar

Üürenicileri

aktiv çalışmaya

doorutmak

Üürenicileri

Uroon

neetlerinnän

tanıştırmak

Dialogta hem monologta kendi bakışını açıklamak

Fikirini dooru açıklamak hem dooru cümlelär kurmak.

Okunmuş tekstlän işlemäk; okunmuş tekstä görä kendi bakışlarını açıklamak.

Bilgileri kaaviletmӓk;

açıklasınnar gramatika tarafından bilgileri;

İlerletmää becermekleri öz fikirini ayırmaa okunmuş tekstän.

Soruşlara görä dolu, dooru cuvaplar vermää üürensinnär.

İlerletmää becermekleri analiz yapmaa okunmuş tekstä.

I.Selemneşmäk.

Zaman hayır olsun sevgili dostlarım, paalı musaafirlerimiz! Kefiniz büün ii uurda bulunér, görerim.

Ya bakınız biri-birinizä da gülümsäyiniz, aklınızdan geçireräk, yollayın kalbinizin sıcaklıını musaafirlerimizä, angıları braktılar büün önemli işlerini da geldilär bizä, barabar kutlamaa ana dilimizin yortusunu.

Gimni çalmak.

II. Aktualizațiya.

Angı avtorlan hem yaratmaylan tanıştık geçti urokta?

1 üürenici annadér şiiri ezber.

Ne için sölener o yaratmada?

Nesoy sevda göreriz bu şiirdä?

Sevda

n aturaya

anaya

• Nesoy sevda var bu dünneda? (naturaya , anaya-bobaya, hayvannara, ...

Açıklayın

II.Eni temaya giriş.

Şindi teklif ederim bakışınıza prezentațiya, angısını bakarkan, dişünün: nelär duydunuz canınızda, bakarkan ilk payını, hem nicä onnar diişildilär ikinci payında.

(Prezentațiya hazırlandı üürenicilärlän. İlk payında cuvaplı temiz sevdayı gösterän, ikinci payında cuvapsız sevdayı gösterän foto.)

Nicä düşünersiniz, bu uroomuzda nesoy temayı aaraştıracez?

Bu urokta biz ilerledecez lafetmemizi sevda için, insannarın kaliteleri için, tanışmamızı V.Filioglunun yaratmalarınnan.

Epigraf :

Ayozlar ona deerlar- gökteki sevinmelik,

Şeytannar – cendem zeetleri,

İnsannar – sevda.

Nicä annéérsınız bu lafları? Kayıl mı siz onnarlan?

Danışalım Bibliya vakıtlarına...

Sevda –o duygu, angısı peydalanêr canımızda kendibaşına. Onu yok nasıl teklif etmaa, yok nasıl koolamaa da.

O paalı herbir zenginniktan .

O – paalı taş, angısını satın alamêêr padişahlar da.

O – bütün dünna, angısını kaplêêrız 2 kolumuzlan.

Sanérım, ani siz kayıl olacenız benimnän, ani sevda – o duyg, angısı için umut eder hepsi, angısını bekleer hepsi. Hepsini dalgalandırêr bu soruşlar: ‘’ Ne o sevda?’’ ‘’Nesoy o olêr?’’

Geçti urokta biz tanıştık V.Filioglunun biografiyasınnan hem okuduk şiiri, angısını evdä lääzımdı üürenäsiniz.

Bakalım Vasi Filioglunun biografiyasının hronologiya tablițasına.

1 üürenici annadêr şiiri.

Ama ilkin tanışalım kimi lafların maanalarınnan. Uydurun sinonim, antonim verili laflara. Kuralım lafbirleşmesi, cimlä onnarlan.

Teksttän laflarlan işlemäk:

Çin sabaalän- pek erken

Eser- üfleer

Sarp- gözäl

Fit - dübüdüz

Nesoy duygular sizi kapladı , sesleyärkän bu şiiri?

İş bölümnerdä:

1bölüm.

A)Bulacék metaforaları şiirdä;

B) izafetleri çıkarmaa;

2 bölüm.

A)bulacek epitetleri;

B)düzülü lafları bulmaa;

3bölüm.

A)Uydurmaları çıkarın;

B) saabilik formasında adlıkları bulun.

Annadın artistik kolaylıkların rolunu.

-Bakalım, neylän avtor yaraştırêr şiirdä sevgilisini? Neçin?

İnsanın kalbi sevdaylan doluykan, o görer naturanın gözelliini da

• Lirika geroyun harakteristikasını yazdırın. Angı halda o bulunêr?

• Şiirin angı strofalarına uyêr bu resimnär?

• Yaratmanın avtorunnan buluşaydınız, nesoy soruşlar soraceydınız ona?

-Nesoy yaratmalarda gagauz literaturasında açıklanêr sevda teması?

Seslemäk türküyü “Sevda için çok yazılı”- K.Vasilioglu.

Sevda teması açıklanêr diil sade literaturada. Taa neredä biz karşılêêrız bu temayı? (muzıkada, skulpturalarda, resimnerdä).

-Gagauz resimcilerin resimnerindä sevda teması (prezentaţiya).

-Ne gördünüz bu resimdä?

-Ne okudunuz sevgililerin gözlerindä?

-Çoyu yazıcılar danıştılar bu temaya. (getirin örnek)

Anılmış yazıcıların düşünmeklerini sevda için.

Bölä düşüner şairlär sevda için. Teklif ederim sesleyäsiniz, ne düşüner sevda için klastan üürenicilär (yaratmalardan cümlelär):

Saşa B düşüner: ‘’Sevgi dirilder bizi hem bizim duygularımızı. Verer bizim yaşamamıza derin maana hem gözäl renklär. ‘’

Saşa U: ‘’ İlk sevda – en gözäl, en meraklı oluş, angısı geçer herbir insanın içindän da kalêr aklında bütün yaşamasında’’.

Ane M sayêr: ‘’Nekadar sevda yaşayacek bizim içimizdä, okadar da yaşayacez biz’’.

Mişa Ç. teklif eder: ‘’Aarayın sevdayı, uzanın ona, çalışın onun için, bulduynan da, koruyun onu nicä gözünüzü!’’

Koli T. düşüner, ani sevdasız ruhumuz boş, düşünmeklerimiz dolaşêr, kuvedimiz kaybeler, dünnää boşalêr. Sevda – o balzam. Onun yardımınnan sabaalarda sevineriz güneşä, avşamnarda mayıllıklan bakêrız yıldızlara...

Nataşa O.: ‘’Sevda için herşeyi veräbilirim. Sevda için öläbilirim. Sevda – temiz çöşmä.’’

Liya S. yazmış: ‘’Sevda – en gözäl, en derin duygu, angısı tutêr bu dünneyi.Sevda yapêr insanı taa ii ürekli, taa cana yakın, taa cömert, taa yalpak’’.

Alöna K. :’’ Sevda kaplêêr bizim tenimizi , büüleer bizi, yapêr bizi kanatlı’’. Yaraştırêr sevdayı düşlän.

Peti T. yazdı şiir sevda temasında, neredä açıkladı kendi düşünmeklerini.

Benim bir şiirim sevda temasında

Söz ilerletmesi.

Sizdä olaydı kolaylık ilerletmää bu şiiri 2 dörtlüklän, ne yazaceydınız?

I gr.-Nesoy nasaatlar var nicä veräsiniz gençlerä bu temada?.

IIgr.-Verilmiş laflarlan- fidan, gözleri, sevda, kısmet - kurmaa izafet konstrukţiyası.

IIIgr.-Verilmiş laflarlan- ellerim, üreemi- kurmaa birsoy paylı cümlä.

Hepsi yaşamasında duyêr ilk sevdayı. Kimisindä o ilerleer çok yıllar. Sora geçer büük sevdaya...

Biriniz var mı meraklandıı sizin aylenizdä nasıl başladı sevda?

(Evdän patretlär , angılarında okudunuz sevdayı).

Prezentaţiya sevda için.

Sevdanın var ayırı bir günü, angısını biz bakêrız fevralın 14. (istoriyası).

Sıralayın sizin bildiiniz anılmış sevdalı çiftleri.

• Dönelim bizim epigrafa. Nesoy çıkışa geldik bu urokta?Nelär duydunuz canınızda? Şiirin temasını açıklayın.

• Yaratmanın öz fikirini annadın.

Ne faydalı bu urokta kendinizä aldınız?

Refleksiya.

-En meraklɩ bu urokta bana deyni....

-Bän annadɩm, ani...

-Bana zordu bu urokta...

-Bän bir ҫɩkɩş yaptɩm kendimä...

VI.Notalamak.

Üüredici notalêêr, üürenicilär biri-birini notalêêrlar.

V.Evdeki iş.

Temaya görä yazmaa mini-yaratma:

1. “Sevda için çok yazılı... ”

2. Şiir yazmakta kendimi deneerim.

3. Ezber üürenmää şiiri.

-Isteerim uroon bitkisindä hepsinä saa ol sölemää.Bitki sözlerim, te bunnar olacek: “Sevdadan korkmayın, sevin hem olun sevgili”.

Çıkış yaparak uroomuza, teklif ederim sesleyäsiniz türküyü ‘’Sevdadan hiç korkmayın’’ angısını çevirdim rus dilindän, çalacek Natalya Orlioglo.

-Saa olunuz! Kalɩn saalɩcaklan!

Üürenicilerin hazırlıını urok için,

becermeyi kuşku olmaa,

üürenicilerin cuvaplarını üürenilmiş temaya görä,

Epigraflan işlemäk

üürenicilerin laf zebilliini kantarlamak

üürenicilerin kuşku seslemesini

eni lafların maanalarını açıklamak, sözdä kullanmak becermekleri

Artistik kolaylıklarını bulmak, rolunu açıklamak

Grupalarda işlemäk

soruşlara dooru vermak için

tekstin ayırı strofalarınnan işlemäk

Becermekleri kendi düşünmeklerini açıklamaa, inandırmaa, açıklamaa.

becerikli ҫɩkɩş yapılmasını

1min

Üüredicinin sözü

Slayd-1

Prezentațiya

Yaraştırmak tablițası

Soruş-cuvap lafetmesi

1 üürenici annadér informațiyayı,

teksti demekli okumak

Becermää kullanmaa gagauz dilinin leksika hem gramatika

kolaylıklarını, sinonimneri konteksttä.

Geniştän kullanmaaa sintaksis

konstrukţiyalarını.

Becermää kullanmaa gagauz dilinin sintaksis kolaylıklarını, annayarak onnarın rolunu tekstlerin kurulmasında.

Kurmaa yazıda kendi argumentli

tekstlerini, cuvaplarını, bilim, literatura

hem yaşamak soruşlarını.