"Жемсауыттағы құстар"

Кіші жас «Ақбота» тобына арналған

Ұйымдастырылған оқу қызметінің конспектісі

Өткізу күні: 06.01.2020 ж.

Тәрбиеші:Дюмбаева А.В.

Білім беру саласы: «Шығармашылық»

Бөлімі: Аппликация

Өтпелі тақырып: «Қысқы құстар»

Тақырыбы: Жемсауыттағы құстар

Мақсаты: Құстар жайлы білімдерін нақтылау; құстардың ұялары туралы түсініктерін қалыптасыру; түстерді ажырата білуді үйрету; жапсыру реттілігін түсіндіру және жапсыру дағдыларын қалыптасрыу, ұқыптылыққа тәрбиелеу.

Ресурстармен қамтамасыз ету: үлестірмелі материалдар,дайын аппликация үлгілері,сүрткіш, аудиоқұрылғы арқылы құстар үні.

Көптілділік: жемсауыт-кормушка, құс-птица

Ұйымдастырылған оқу қызметінің барысы:

1. Ұйымдастырушылық кезеңі:
Шаттанып тұрайық жылы жүзбен,

Бізге келсін қуаныш нұр іздеген.

Шуақ толған жанымыз,жүрегіміз,

Үлгі алсын көрген жан мына бізден.

2. Негізгі бөлімі:

Аудиоқұрылғы арқылы құстар үні қойылады.

-Балалар,бұл нелердің дауысы?

-Сендер қандай құстарды білесіңдер?

-Қыстүгіні мекен ететін құстарды білесіңдер ме?

Қыста құстар аш қалмас үшін жемсауыттарға жем салып қою керек.

-Балалар,сендер жемсауыттағы құстардың бейнесін жапсырғыларың келе ме?

Әрекет әдісін көрсету.

-Негізгі бетте (фонда) жемсауыт және жем берілген.Осы бетке құстарды жапсырамыз. Алдымен бір құстың денесін жапсырамыз.Сосын қанатын және құйрығын жапсырамыз.

-Қанаты қандай пішіннен жасалған?

-Екінші құсты да дәл осы сияқты жапсырамыз.

Сергіту сәті: 

Торғай,торғай,торғайсың.

Таяу келіп қонғайсың.

Жем шашайын,тойып ал.

Шашылған нан қоқымын,

Шоқып-шоқып жиғайсың,

Сонда аязға тоңбайсың.

Саусақ жаттығуы: «Қуырмаш»
Қуыр-қуыр қуырмаш,
Балаларға бидай шаш.
Бас бармақ,
Балан үйрек,
Ортан терек,
Шылдыр шүмек,
Кішкене бөбек.

Жеке жұмыс

Тәрбиеші іс-әрекет барысында қиналған балалармен жеке жұмыс жүргізеді.Балалардың

жапсырған жұмыстарын тақтаға іліп талдайды.

3. Қорытынды :  

-Балалар,құстарға неге жем шашады?

-Құстарды жапсыру сендерге қиын болады ма?

Балаларды мадақтау.