Жети атаны билүү парз

Жоомарт Бөкөнбаев атындагы орто мектеп

5-б класс

Класстык саат

Сабактын темасы: Жети атаны билүү парз.

Сабактын максаты:

• 1. Окуучулар ата бабадан калган каада-салт, урп адат, улуу мурастарын сактай билүү керектигине ынанат.
• 2. Окуучулар таанып билүү активдүүлүгүн жогорулатат.
• 3. Окуучулар адептүүлүккө, патриоттуулукка, ата-баба салтын кадырлоого тарбияланышат.

Балдар, бүгүнкү темабыз ата-бабаларыбыздан калган улуу мурастардын бири – жети атасын таанып билүү. Ата-бабаларыбыздын салт санаасын, басып өткөн жолун дайыма үйрөнүү, таанып билүү ар бирибиз үчүн парз. - Кана эмесе балдар, жети атабызды билебизби?

Ата-бабаларыбыз бизге көөнөрбөс мурастарды калтырып кеткен. Биз ата-бабаларыбыздан калган улуу салтты улап, кыргыз элинде түптөлүп келген сабырдуулукту, өзүбүзгө мүнөздүү айкөлдүктү жогору коюп баалашыбыз керек. Улуттук салт - санааларды, урп-адаттарды, санжыраларды үйрөнүп билүү, алар менен сыймыктануу ар бирибиздин жоопкерчилигибиз болушу керек. Улутту улут кылып кармап турган өзгөчөлүк – улуттун адеп-ахлагы, каада-салты, урп –адаты, ырымжырымы, санжырасы, тили, кийими. Булар улуттун уңгусу. Кыргыздын эн жөнөкөй санжырасынын бирин алып королу. «Жети атасын билбеген жетесиз кул» , дейт элибизде. Жети атаны билүү, жети ата өтмөйүн куда соок күтпөө, улуттун генефондун сактоодогу эң чоң идеология болгон.

Жети ата

1. Өз атам 2. Чоң атам 3. Бабам 4. Бубам 5. Кубарым 6. Жотом 7. Жетем

Мисалы: Кыргыздын

1. өз ата’сы - Абаз 2. чоң ата’сы - Карахан 3. баба’сы - Моңгол 4. буба’сы - Аличахан 5. кубар’ы - Сарыхан 6. жото’су - Түрк 7. жете’си – Жабас

Үй тапшырма: Жети атасын жазуу