Мен, Жунусова Жайнагул Муратжановна қазақ тілі мен әдебиеті пәні мұғалімімін. Педагог-сарапшы, еңбек өтілім 14 жыл. 2015 жылы қазақ тілі мен әдебиеті пәні мұғалімдеріне арналған қашықтық Республикалық олимпиадаға қатысып, сертификатқа, 2016 жылы ҚР – ның Тәуелсіздік күніне орай «Мәңгілік Елдің  - Мәңгілік тілі» атты аудандық қазақ тілі мен әдебиеті пәні мұғалімдерінің байқауында ІІІ орынға, 2017 жылы қараша айында өткен аудандық шағын жинақты мектептердің арасындағы «Біріктірілген сыныптарда инновациялық сабақ» сырттай байқауына қатысып, жүлделі ІІІ орынға және аталған жылы облыстық шағын жинақты мектептердің арасында осы тақырыпта сырттай байқауына қатысып, «Сабақтың тиімді құрылымын таңдаушы» аталымына ие болдым. 2017 – 2018 оқу жылында Астана қаласының 20 жылдық мерейтойына орай «Үздік бастауыш сынып мұғалімі - 2018» атты Республикалық байқауға қатысып, І дәрежелі диплом және төсбелгімен марапатталдым.  2018 жылы қараша айында қазақ тілі пәнінен қашықтық Республикалық Ұлттық  интернет олимпиадасына қатысып, сертификатты иелендім. Өзімнің іс – тәжірибеммен бөлісу мақсатында «Үздік бастауыш сынып мұғалімі - 2018» атты Республикалық байқаудың материалдар жинағына сабақ жоспарларым мен «Менің еңбек жолым» тақырыбындағы эссем кітап бетіне жарияланды. Сонымен қатар, Интернет – журнал «Инфоурок» сайтына сабақ жоспарлары және «Ең тұңғыш» атты тест жауаптарымен, «Еңбек пен Ерлік» атты өлеңім жарияланды.

ЗКГУ им. М.Утемисова