Мяне завуць Наталля Вараб’ёва. Я настаўніца беларускай мовы і літаратуры першай кваліфікацыйнай катэгорыі. Працую ў сярэдняй школе Аршанскага раёна. З’яўляюся класным кіраўніком 6 класа.

     У сваёй педагагічнай дзейнасці імкнуся да таго, каб вучні не толькі атрымлівалі веды, але  і адчувалі асалоду ад сваіх ведаў і ўменняў. Мне добра ад таго, што многія вучні цікавяцца маім прадметам,

што я магу ўнесці свой уклад у адукацыйнае і культурнае выхаванне чалавека.

   Адукацыя вышэйшая. У 1996 годзе я закончыла сярэднюю школу і паступіла ў Віцебскі дзяржаўны ўніверсітэт імя П.М.Машэрава на спецыяльнасць “Беларуская мова і літаратура і сусветная і айчынная культура”. З 2001 года і па сённяшні дзень працую ў вясковай школе. У 2006 г.,  2008 г., 2015 г. праходзіла курсы павышэння кваліфікацыі ва УА “Віцебскі абласны дзяржаўны ІПК і ПКР і СА”.