Алгебра Пиза тест 7-класс Ысык-Көл

Ысык-Көл – дүйнөдөгү эң терең көлдөрдүн бири. Ал Кыргызстандын түндүк-чыгышында Тянь-Шань тоолорунда 1600 метр бийиктикте жайгашкан дүйнөдөгү эң терең көлдөрдүн бири. Антон интернеттен Ысык-Көл жөнүндө көп кызыктуу нерселерди таап, ага барууну кыялданды. Ал эгер Ысык-Көлдүн тереңдиги 300 метрге тайызыраак болгондо, дүйнөдөгү тереңдиги 1642 м болгон эн терең Байкал көлүнүн тереңдигинин 25% түзмөк экендигин билди. 1-тапшырма. Антон көлдүн тереңдигин таап, аны реалдуу маалыматтар менен салыштырган. Интернеттеги маалымат туурабы, эгерде Ысык-Көлдүн тереңдигин 702 м болсо?

Ысык- Көл Таблицада дүйнөдөгү эң терең көлдөр берилген. Аты Жайгашкан жер Эн терең жери (м) 1 Матано Индонезия 590 2 Каспий деңизи Россия, Казакстан 1025 3 Мьеса Норвегия 468 4 Ысык-Көл Кыргызстан 702 5 Байкал Орусия 1642 6 Чыгыш Антарктида 1200 7 Сан Мартин Аргентина 836 8 Танганьика Танзания 1470 9 Ньяса Мозамбик 706 10 Сарез көлү Тажикистан 505

2-тапшырма. Тереңдиги боюнча Ысык-Көл кайсы орунду ээлерин аныктагыла.

Эки бир тууган Каракол шаарынан бир убакта өз унаалары менен чыгышып, Балыкчы шаарынан жолугууга макул болушкан. Улуу агасы түндүк жээктеги Чолпон-Ата шаары аркылуу, иниси түштүк жээктеги Бөкөнбаев айылы аркылуу жөнөштү. 

3-тапшырма. Агасынын орточо ылдамдыгы 60 км/саат, иниси 70 км/саат болсо, бир туугандардын кимиси Балыкчыга биринчи келет жана экинчисин канча күтөт? Көлдү айланып өтүүчү жээк жолунун узундугу 460 км, ал эми түндүк бөлүгүнүн узундугу түштүк бөлүгүнөн 20 км кыска.

Ысык-Көл этнофестивалы Бишкек шаарынан активисттердин тобу, Балыкчы шаарынан 10 чакырым алыстыкта жайгашкан Сары Камыш айылындагы өтүүчү “Ысык-Көл этнофестиалынын” ачылышына катышууга чогулушту. Ачылыш жекшемби күнү саат 13:00дө болот. Бишкектен Балыкчыга автобус, маршруттук такси же поезд менен жетүүгө болот. 

Таблицада берилген транспорт түрлөрүнүн Бишкектен Балыкчыга жөнөп кетүү убактысы менен келүү убактысы көрсөтүлгөн. Эгер активистердин тобу жекшемби күнү кетүүнү пландаштырышса, таблицада көрсөтүлгөн транспорттун кайсы түрүн эң ыңгайлуу убакыт катары тандай алышат?  

1.Унаа түрү    Жөнөө убактысы    Жолго кетүүчү убакыт 1 Автобус 7:00 (күн сайын, саат сайын) 3 саат 35 мин 2 Маршруттук такси 9:15 (саат сайын) 2 саат 30 мин 3 Поезд 8:00 4 саат 30 мин