Кыргыз тили

Бут кийим жана ден соолук I Кроссовканын биринчи прототиби 17-кылымдын аягында пайда болгон. Адамдар "парус сыяктуу туфли"деп аташкан. Бул абдан жөнөкөй, ал эмес, оң жана сол бутка да бөлүнгөн эмес. 1892-жылы эле америкалык “Резина” компаниясы негизи резиналанган кездемеден ыңгайлуу бут кийимдерди тигип "кеды"деп атаган. Ал эми 1917-жылга чейин сатыктагы "сникерлер" (англисче «билинбей басуу”) ушунчалык ыңгайлуу бут кийим болгондуктан, аны менен бирөөнүн жанына байкалбастан тымызын келип калганга мүмкүн эле. 1917-жылы “Converse” компаниясы баскетбол, тенниске кийилүүчү бут кийимди тиккен. NBAнын ошол учурдагы жылдызы Чак Тейлорго кеды жагып калат. Ал дайыма кеды кийип, жарнамаларга катышып, компанияны атактуулукка жана ийгиликке алып келет. Компания ыраазычылык иретинде өзүнүн логотибине Тейлордун кол тамгасын кошот, ал болсо ушул күнгө чейин сакталып калган. Ошол эле учурда германиялык эки бир тууган Дасслерлер бут кийим ишканасын ачып, эски дөңгөлөктөрдөн жана согуш калдыктарынан кроссовкаларды жасашкан. Кийинчерээк алар өзүнчө “Adidas” жана “Puma” компанияларын тузүшкөн. 50-жылдарга чейин кроссовкаларды бир гана спортчулардын гана кийгенге мүмкүнчүлүгү болгон. Согуштан кийинки каатчылыкта булгаары бут кийимге акчанын татыштыгынан, ошол кездеги аздектүү Джеймс Дин «Себепсиз козголоңчу»(«Бунтарь без причины») тасмасына кроссовка менен чыккан. Ошондон тартып бул бут кийим атактуулугу артып, белгилүү болгон. Ошол эле мезгилде кардарларынын олуттуу азайганына байланыштуу булгары бут кийимдерди өндүрүүчүлөрдүн кроссовкаларды алгачкы каралаган аракеттер башталган. Кроссовкалардын балдардын бутуна зыяндуулугу, таманды бузары тууралуу укмуштуу окуяларды ойлоп чыгара башташкан. Бирок ал тездик менен атактуу боло баштаган анын багытына жолтоо боло алган эмес. Чынын айтканда, ошондогу кардарлардын жактыруусуна арзыган өндүрүүчүлөр азыркы кезде дүйнөлүк бизнестин алдыңкылары болушту. II Кандай жакшы болбосун, буттун таманы да тердегендиктен, кроссовкалар жагымсыз жыттануусу мүмкүн. Бирок, жагымсыз жыттын себеби бут эмес, кездемеде жана бут кийимде пайда болгон микроорганизмдердин ишмердүүлүгү болуп саналат, ал эми буттун тердеши бир нече себептерден болушу мүмкүн. Кроссовкаларды көпкө кийүү, сактоо шарттары: * кроссовкаларга туура кам көрүү: кургак кармоо, ным тийгизбөө, дайыма тазалап туруу, байпак кийүү * кроссовкалардын сапаты жакшы, синтетикалык эмес материалдардан болушу; * ачуу тамактарды көп колдонбоо (бул тердин көбөйүшүнө өбөлгө түзүшөт); * Көйгөй бут кийимде эмес болсо, бутту бат-бат таза жуу, кургак кармоо, грибок ооруларын дарылоо, ден соолукту текшерүүчү адиске кайрылуу керек. Абалды оңдоодон мурун жыттын себептерин аныктоо маанилүү. Бүгүнкү күндө жагымсыз жыттан арылууга жардам берген каражаттар арбын, бирок далилденген элдик ыкмалар да бар. Алар жагымсыз жытты козгогон бактерияларды жок кылат.  Баштыкка салынган кроссовканы муздаткычтын тоңдургучуна салып коюлат.  Кечинде кроссовкага 1 аш кашык сода же бир ууч кофе данын салып коюу керек.  Жытты кетирүү үчүн кебезди уксуска нымдап, бут кийимдин ички бетин сүртүү керек. Эгер элдик каражаттар жардам бербесе, атайын каражаттарды колдонуу керек. Кийинки мезгилде чыккан атайын каражаттардын таасирдүүлүгү жакшы.  Формидрон. Бул антисептик, медициналык дары. Ал жагымсыз жытты жок кылат, буттун кычышканын басат. Кроссовканын ички бетин эритме менен сүртүп, бир-эки күн бою герметикалык баштыкка салып кою керек. Бут кийим кийгенге чейин желдетилиши керек.  Дезоранттар. Жетишерлик натыйжалуу каражат, ал молекулалардын деңгээлинде күрөшөт.  Хлоргексин. (0,05% эритиндисин алуу керек) Муну менен бут кийимдин ичи-тышын , батеги менен кошо сүртүп, целлофан баштыкка 4 саатай салып коюу керек.  Батектер. Алардын күнүмдүгү, активдештирилген көмүр менен, грибокторго каршы күрөшүүчү, табигый материалдардан жасалгандары жакшы жардам берет. 

Тапшырмаларды аткаргыла. Туура жоопторду тегеректеп белгилегиле.

1-тапшырма. Алгачкы кроссовка кандай аталган? Жообун жазгыла.

Элдик ыкмаларды автор кандай максатта берген?

Берилген ырастоолор тексттин маалыматында камтылгандыгын аныктагыла. Ар бир ырастоо үчүн "ооба" же "жок" дегенди белгиле.

Сникерлер адамдар үчүн ыӊгайлуу жана дабышсыз болгон.

Тасмага тартылууда кийилген бут кийим “кеды” болгон.

Дасслерлер бут кийимди кездемеден жасашкан.

Согушка чейин кроссовкаларды спортчулар гана кийишкен

Бут кийимге дезодорант колдонуу – элдик ыкма.

Бут кийимди музаткычта тоңдуруу – медициналык ыкма.

Бут кийимди көпкө кийүү, сактоо талаптары эмнеге өзгөчө белгилеп көрсөтүлгөн?

Формидрондун башка каражаттардан өзгөчөлүгү кайсы?

“Converse” компаниясы логотибине эмне себептен Чак Тейлордун кол тамгасын калтырган?  

1-тексттин мазмунун эмне түзгөн?