27 шуркынмонэ удмурт кыллэн нуналыз.

Удмурт кыллэсь нуналзэ юнматон сярысь кичӧлтонэн потӥз «Удмурт кенеш» огазеяськон. Ӵектон шараямын вал Алабгоын ортчем Россиысь удмуртъёслэн 1-ти ӧтчамзы дырысен 100 ар тырмонлы сӥзем улосвылкуспо научно-практической конференциын. Вань люкаськемъёс мылкыдзэс веразы таӵе нуналэз одно кылдытоно шуыса. Уж борды рос-прос басьтӥськизы егитъёс но. Соос ик ӵектизы нимысьтыз нуналэз. "Удмурт кенешлэн" тӧроез Татьяна Ишматова вотэсбамаз удмурт егитъёслы тау карон кылъёссэ гожтэ. "Нимысьтыз та нунал кулэ удмурт кылын вань вераськисьёс, сое валасьёс, гажасьёс но яратӥсьёс мед огазеяськозы шуыса. Удмурт кылмы котыраз мед бинялоз ваньмес, кин понна удмурт кыл дуно луэ. Шуркынмон толэзь удмурт калык понна, зэм но, висъяськымон луэ. Та толэзе «Асьме шаерын Кун кылъёс сярысь» кат кутэмын, туала вакытэ ортчем вань удмуртъёслэн 1-тиез ӧтчамзы но та толэзе ортчытэмын но трос мукет ужрадъёс вань на," -пусъе Татьяна Ишматова.