Адамдын сырткы келбетин сүрөттөө

Адамдын сырткы кебате-кешпирин сүрөттөө-сүрөттөп жазуунун татаал түрлөрүнөн болуп саналат. Мында адамдын өңү-түсү кийген кийими кебете кешпири мүнөзү тулку бою кыялы ж.б. сүрөттөлүүгө тийиш. Окуучулардыннегизги милдетти жазууда ушул сапаттарды туура баамдап өз сөзү менен туура бере алууга жетишүүлөрү керек.

Эгер иштиктүү сүрөттөөдө адамдын негизги белгилерине бетинин түзүлүшүнө боюна көзү-башына андагы негизги белгилерине бет(так мең )жашына ; илимий сүрөттөрдө адамдын улутуна тышкы түсүнө этикалык тобуна карата ;көркөм сүрөттөөдө адабий чыгармаларындагы катышкан каармандардын образына көңүл бурулат. Мисалы Калың бейитти бет алган жалгыз аяк жол менен үч аял келе жатты. Бирөөнүн үстүндө шайы-ала чапаны бар жоолугу бош ийнине түшүп жылаңбаш аягында кепич маасы өңү саргайыңкы жүдөңкү ак жүзүнүн көркү кетип көзүнүн алды карарган. Жашы 15-16 чамасында сенделип буту араң гана шилтөөгө келип муңдуу жумшак көз жашы тыйылбайт үшкүргү таш жарат.