Арча тууралуу маалымат.

Достор, мына кыштын алгачкы айы да кирип келди. Ушул тапта арча жапжашыл болуп жаратылышты көрккө бөлөп турат. Анда эмесе, арча жөнүндө кызыктуу маалыматтарды чогуу окуйлу. Арча-жыттуу жана ар дайым жашыл болгон ийне жалбырактуу бадал. Арчаны абаны тазартуу жана дары-дармектерди жасоо үчүн дагы колдонушат. Дүйнө жүзүндө анын 67түрү,

Кыргызстанда 10түрү бар. Арча 1000жыл жашайт. Көчөтү 4-5 жылда 10-15 сантиметрге чейин гана өсөт. Арча туздуу деңиз жээктеринде, бийик тоо арасында, саздуу токойлордо жана таштак жерде да кездешет. Анын жыгачы катуу, көпкө чейин чирибейт. Арчадан бешик, комуз, ээр жана идиш-аяк жасалат. Жалбырактары ийне сымал, ар дайым жашыл түстө. Жазында майда гүл ачат. Тобурчактары эттүү, жемишке окшош, ичинде үчтөн уругу болот. Тамыры өтө жайылып өсүп кыян -селден сактайт. Бийиктиги 10-12метрден 20-30метрге чейин жетет.