Ата-энелер мектебинин жаралышы

Учурда бала тарбиялоонун өйдө-төмөнү тууралуу маселелер жанданып, өлкөбүздүн бир топ мектептеринде "Ата-энелер мектеби" уюштурулуп иштеп жатат. "Энелер мектеби" бүгүн эле пайда болуп калган, же мен же кыргыздын дагы бир педагогу ойлоп тапкан түшүнүк эмес. Мунуну узак мезгилден бери актуалдуу болуп келе жаткандыгын Ян Амонс Каменскийдин "Энелер мектебин" системалаштырууга, көп өмүрүн мына ушул темага арнагандыгы мисал боло алат.

Ал эми биздин өлкөнүн аймактарында акыркы 5-6 жылда жанданып бараткандыгынын дагы бир каарманы бар. Ал "Ата-энелер мектебинин" негиздөөчүсү Гапыр Мадаминов 1958-жылы 17-августа Сүлүктү шаарында туулган.

Энелер мектеби 1997-жылы №3 эксперименталдык гимназияда Г.Мадаминовдун демилгеси менен ачылган. Автор тарабынан 2001-жылы Бишкек шаарынан "Энелер мектебинин" окуу программасы жарык көргөн. Ата-энелер мектебинин негиздөөчүсү окуучулар билим алып, татыктуу тарбияланып чыгуу үчүн окуучулардын ата-энесин окутууну туура көрүп, окутуп баштаган.

"Ата-энелер мектебинин" иш тажрыйбасын жайылтуу, мугалим, окуучу жана ата-энелер арасындагы мамилени чыңдоо менен билим деңгээлин көтөрүү болуп саналат. Кантсе да мектеп менен үй-бүлө байланышын жандандырып, музду ордунан жылдыра алды.

"Ата-энелер мектеби" ата-энелердин бала тарбиялоодогу көз караштарын, балага жасаган мамилелерин өзгөртө алат. Ата-энелердин китеп окуу маданияты калыптанып мектепке, мугалимге колдоо көрсөтүүлөрү жанданат.