Бэйэни билиһиннэрии

Үүммут үтүө күнүнэн,

Тосхойбут дьоро түгэнинэн!

Убаастабыллаах дьүүллүүр сүбэҕэ,

“_______________”

Күрэх кыттыылаахтарыгар,

Күндү көрөөччүлэргэ, истиҥ истээччилэргэ

Сэттэ үйэ тухары ситэ-сириэдийэ турар,

Аҕыс үйэ тухары алла-асхарыйа турар,

Тоҕус үйэ тухары тупса- торолуйа турар,

Ааспат-ахсаабат

Айхал-мичил буоллун,

Уларыйбат-уҕарыйбат

Уруй-тускул буоллун!

Ытыктабыллаах учууталлар,

Үөрэх эйгэтин үлэһиттэрэ,

Педагогическай үлэ бэтэрээннэрэ!

Быйылгы Педагог уонна уһуйааччы сылынан

Итиитик-истиҥник эҕэрдэлиибин!

Саҥа ситиһиилэри,

Махталлаах үөрэнээччилэри баҕарабын!

Кимтэн кииннээх,

Хантан хааннаах кэрэ куо

Кынталдьыйан кэлэн,

Кэпсии-ипсии турар диэтэргит -

Көмүс хатырыктаах

Күлүмүрдээн оонньуур

Уйгулаах уулардаах

Төгүрүк алаастардаах,

Тоҕус улуу олоҥхоһут

Тоҕуоруйан үөскээбит,

Аҕыс ааттаах артыыс

Айыллан тахсыбыт

Тойон Наахараттан төрүттээхпин.

Саха сайдам сайаҕас ыала

Иллээх-эйэлээх _______________ дьиэ кэргэҥҥэ

Кыысчаан буолан оңоһуллан,

Кэрэ Куо буолан чочуллан,

Ийэ буоларга этиллэн,

Эбэ буоларга ананан,

Сир ийэ иччитэ Аан Алахчын Хотун

Итии-сылаас тыына

Охтон баранар мастаах,

Уолан баранар уулаах

Орто туруу дойдуну

Эппэҥнэтэ тыыннарар бэс ыйыгар

Иккис кыыс оҕонон

Күөх окко түспүтүм, күн сирин көрбүтүм.

Хатыҥнардаах, чараҥнардаах,

Хампа солко алаастардаах,

Оттуун-мастыын нарын-намчы

Амма улууһун ______________________оскуолатыгар

Алын кылаас учуутала

__________________ буолабын.

Аралыйа сыдьаайар

Аламай күн курдук,

Аһара таптыыр

Амарах ийэм

_________________________,

Аҕалаатар аҕам

Куруук ахтар- саныыр киһим

_________________

Ийэ буолар дьолун биллэрбит

Кыра-кыра, кып-кыра,

Мааны-мааны, мап-мааны,

Кыракый кыысчааннаахпын.

Ойон тахсар күҥҥэ тэҥнээх

Оҕо сааһым биһигин-

_____________ оскуолатын бүтэрэн,

Оҕоҕо билиини биэрээри,

Сырдыкка, үөрэххэ сирдээри

Кинигэ, тэтэрээт туппутум.

Учуутал идэтин таламмын

Бүлүүтээҕи педколледж

____________________ салаатын бүтэрэн,

Логопед идэтин баһылаатым.

Учуутал идэтэ сир үрдүгэр баар идэлэртэн биир сүрүннэрэ.

Олохпор саамай сырдык,

Кэскиллээх идэни талбыппынан олус дьоллоохпун.

Баҕарабын чэгиэн доруобуйаны,чөл туругу,

Алаһа дьиэҕитигэр, дьиэ кэргэҥҥитигэр байылыат олоҕу,

Сир үрдүгэр баар бары үтүөнү, кэрэни!

Ким кыахтаах кыайдын, хотторбут хомойботун диэн баҕа санаабын тириэрдэбин.

Сэргээн, сэҥээрэн истибит бар дьоммор барҕа махтал.