Биосфера-Жердин тиричилик кабыгы.

Биосфера - Жердин курамы, структурасы жана энергетикасы тирүү организмдер менен аныкталган сфераларынын бири. Бири-бири менен өз ара биохимиялык циклдер, заттар менен энергиянын айланышы аркылуу тыгыз байланыштагы атмосферанын алдыңкы катмарын, гидросфераны толугу менен, литосферанын үстүңкү катмарын камтыган кабык. Биосфера - шарттуу бөлүнгөн бирдиктүү географиялык кабыктын ичине кирген жандуу жаратылыштын таралган бөлүгү. Ал башка геосфералар менен өз ара тыгыз байланышкан, өз ара шартташкан, өсүп-өнүгүү шарттарынын бардыгы атмосфералык, гидросфералык, литосфералык шарттар менен ар дайым шайкеш.