Чычкан жылында төрөлгөндөр

Чычкан жылында төрөлгөн бала кичинесинен баштап эле лидер болууну каалайт. Ал акылдуу, мамилеси жакшы болгондуктан, достору көп болот. Жаңы нерсени кабыл алуусу оор, бирок аны тез эле өзүнө сиңирип алат. Чычкан- бала өзү демилге көтөрүп, иштерине жардам бергенди жакшы көрөт. Эгер ата -энеси баласынан сүйүүсүн аябаса, ата-энеси карыганда ал бала он эсе жакшы кам көрөт. Бул жылы туулган бала чыгармачылыкка, музыкага, сүрөт тартууга, бийге жакын болот. Ошону менен катар окуганды да жакшы көрөт. Мындай бала өз көз карашынан тайбайт, ал эми калпты көтөрө албайт. Чычкан - баланын интуициясы күчтүү өнүккөн, бул сапаты жашоосундагы кездешкен татаал кырдаалдардан жеңил чыгып кетүүсүнө жардам берет.