Элден чыкпа

Элден чыкпа. Элдин назарынан калба. Элдин акысына тийбе. Элге берсең айтпа, айтсаң бербе. Жегениң жерде калат, бергениң элде калат. Эрден ашсаң болот, бирок элден аша албайсың, анткени ал – ЭЛ.

Тирүү жүргөн бардык жандыктын, өсүмдүктүн, мөмө-жемиштин убал-сообу бар. Ким эмнени кордосо, мезгили келгенде ошол нерсеге зар болот.

Адамдын көзү көп китеп окугандан эмес, ыңгайсыз шартта окугандан бузулса керек.

Көп сүйлөгөн адамды чечен дегенге болбойт.

Колуңдагы телефон сенин эсиңди алып, башыңды оорутуп уктатат, а китеп жан дүйнөңдү эргитип, мээңди сергитип уктатат, аз келгенсип эртеси да пайдасын берет.