Эн кымбатым энекем

Эне болуу бактысына эгедер болгон ар бир аялзаты мактоого, данктоого арзыйт.Анткени адамдан адам жаратып,өмүр улоо кудурети энеге гана берилген. Тогуз ай түйшөлүп боюна көтөргөн наристенин эрезеге жеткенге чейинки түйшүгү эненин мойнунда. Ал гана эмес, ата-эне болуп калган балдарынан да санаасы тынчыбаган апалар алар учун бардыгына даяр. Ар бир баланын ден-соолугун өүрүн, бактысын, аманчылыгын тилеп, басса-турса, кудайга жалынган да энелер.

Бала үчүн эненин сүйүүсүнөн өткөн айныбас сүйүү жок го деп ойлойм.Себеби бала кандай жагымсыз иштерди жазабасын эне кечире берет. Мына ушундай сапаттарды ар-бирибиз апаларыбыздан көрө алабыз.Эне жөнүндө жаза берсек, бүтпөйт.