Ես ուսուցիչ եմ

Արդեն քսան տարի է, որ ես աշխատում եմ դպրոցում։ Այս տաիների ընթացքում շատ բան է փոխվել իմ մտածելակերպի մեջ, սակայն ես հասկացել եմ մի բան, որ մարդու հոգեկերտվածքը չի կարող փոխվել։ Այս տարիների ընթացքում ես նոր բաներ եմ սովորել, նոր մեթոդներ եմ ուսումնասիրել ու կիրառել, բայց ամեն անգամ հասկացել եմ, որ ոչ մի մեթոդ արդյունավետ չէ, եթե չի բխում հոգուց։ Ես հասկացել եմ, որ միայն սովորելով մանկավարժ չեն դառնում։ Մարդը կարող է շատ հմուտ լինել իր մասնագիտության մեջ, բայց չընդունվել ու չհասկացվել երեխաների կողմից։ Թող բարձրագոչ չհնչի, բայց մանկավարժ լինել ոչ բոլորին է հասու։ Սիրել երեխաներին հասկանալ նրանց, կիսել նրանց ուրախությունն ու տխրությունը, լինել նրանցից մեկը, արժանանալ ոչ միայն գովեստի ՝այլ շատ հաճախ քննադատության և լինել չհասկացված շատերի կողմից, շատերի համար լինել խենթ, նույնիսկ՝ մանկամիտ։ Եթե դուք պատրաստ եք այս ամենին և ոչ միայն, ուրեմն դուք կարող եք ասել «Ես ուսուցիչ եմ»։