Фейсбуктагы комментарий

Мусулман, теңирчи деп бөлүнүп, “бириңдин этиңди бириң жеп, сөөгүңөрдү мүлжүбөй” эле, өзүңөр тандап алган, карманган диниңер менен жаратканга сыйына берсеңер болбойбу? Эмнеге эле бөлүнө бересиңер, түндүк-түштүк, уруу-уруу, урук-урук, кокту-колот, көчө-көчө болуп бөлүнгөнүңөр аз келгенсип, эми дин аралык болуп “тытышып” жатасыңар. Биз бир элбизби же ар кайсы элдин саркындысынан чогулган, кудайдан жөө качкан бир үйүр жырткычка окшогон, башы бирикпеген каракчыларбызбы? Мусулмансыңбы, теңирчисиңби, христиансыңбы, иудейсиңби, буддасыңбы же атеистсиңби баары бир жараткандын алдына барасын, жараткан кимди кайда жиберээрин жалгыз өзү билет. Ошондуктан эң биринчи жүрөгүң таза болсун. Ал эми жасаган ибадатың, сыйынганың өзүң үчүн. Кудай деле бир-эки ирет кечирет. Күн сайын эле күнөө иш жасап, кечирип кой деп беш маал эмес андан да көп жолу суранганың туура эмес.