Гайбәт турында.(Шаян шигырь)

Шулай беркөн гашыйк булдым

Бер егеткә.

Тик әйттеләр:”Ул бит,-диеп-

Киребеткән.”

Икенчесен хурладылар:

Бик күп эчкән,

Заманында кызларны да

Бик күп кочкан.

Өченчесе- ярата,ди

Бик тәмәке.

Дүртенчесе сүгенә,-ди

Бик әшәке.

Бишенчесе яратмады

Шул үземне.

Алтынчысы тыңламады

Гел сүземне.

Җиденчесен күргәч әйттем:

“Урра!Таптым!”

Тик.Аерган икән инде

Ул бер хатын.

Алдагысы сайраса да

Шәп вә оста

Ул кахәрнең кимчелеге:

Буе кыска.

Барсын да санасаң әгәр

Сүзем булыр иде озын.

Кыскача әйтәм: мин хәзер

Калдым инде беръялгызым

Кызлар сезгә бер сүз әйтәм,

Егетләр, сез дә тыңлагыз:

Миндәй горур булмагыз.

Сөйсәгез гайбәтне түгел,

Ә йөрәкне тыңлагыз!(Вәсилә Дехканова (Күңел дәфтәреннән))