Հայոց լեզուն և մենք

Ողջույններս բոլոր ուսումնասեր անձանց։ Այս բլոգը կերտելու, ստեղծելու հիմնական նպատակը լեզվի ուսուցումը և յուրացումը դյուրին, հաճելի դարձնելն է։ Մեր լեզուն բազմաշերտ է ու ճկուն, այնքան դյուրաթեք, որ դարերի հոլովույթի մեջ ճկվել է ՝ համապատասխան աշխարհաքաղաքական,սոցիալ-տնտեսական իրավիճակներին ու մարտահրավերներին։ Նախևառաջ լեզուն տրամաբանություն է, որը թեև չի ենթարկվում որևէ բանաձևի, սակայն ունի տրամաբանված շղթայականություն։ Ի վերջո, լեզուն միայն գեղեցիկ ու պաճուճված բառերը չեն, այլ ճիշտ ու արժեքավոր մտքեր ձևավորելն է, իմացած քերականական կանոնները կիրառելի դարձնելն է։