Игра "Колесо истории" от 25.04.2018 г.

«Истори кустăрми» вăйă

ЧР Елчĕк районĕн Кивĕ Эйпеç тĕп шкулĕнче чăваш чĕлхипе литература эрни пырать. Çавна май шкулта чăваш чĕлхипе литературине ертсе пыракан Федорова Елена Сергеевна ачасемпе паян «Истори кустăрми» вăйă ирттерчĕ. Сценарине те хăех çырнă вăл. Тĕрлĕрен кăсăклă ыйтусем пани, ыйтăвĕсене сценкăсемпе çыхăнтарни, хăй йĕркеленĕ презентаципе усă курни ачасене тыткăнларĕ, вĕсен И.Я.Яковлев çинчен тата та ытларах пĕлес туртăмне ÿстерчĕ. 1-мĕш вырăна 7-мĕш класра вĕренекен Смирнов Николай, 2-мĕш вырăна 6-мĕш класра вĕренекен Никифоров Никитăпа Иванов Коля, 3-мĕш вырăна вара 5-мĕш класра вĕренекен Смирнова Светланăпа 4-мĕш класра вĕренекен Теллина Настя тухрĕç. Çĕнтерÿçĕсене уйрăм призсем пани те ачасене хавхалантарчĕ.