Ինքնուրույն աշխատանքի առանձնահատկություններն ավագ դպրոցի հասարակագիտության դասավանդման ժամանակ

Սովորողների ստեղծագործական ներուժի բացահայտման և զարգացման շատ ձևեր կան,սակայն անվիճելի է,որ ամենաարդյունավետ ձևերից մեկը անհատական, ինքնուրույն աշխատանքն է, որովհետև ամենաարժեքավոր, խոր և մնայուն գիտելիքները սեփական ստեղծագործական որոնումների ընթացքում են ձեռք բերվում,և ոչ թե յուրացվում են ուղղակի վերարտադրման ճանապարհով։Ընդհանրապես ինքնուրույն աշխատանքը բնութագրվում է տարբեր տեսանկյուններով. դրանցից ես կարևորում եմ կառուցողական ինքնուրույն աշխատանքը։Այս աշխատանքը կատարելու ժամանակ սովորողներին տրվում է որոշակի ազատություն,ինքնուրույնություն ինչպես բովանդակության, այնպես էլ աշխատանքի հնարների ընտրության մեջ։