Йөрәк һүҙе.

сегодня в 2:14

Йөрәктәргә үтеп инде "Йөрәк һүҙе"! Күркәм, йөкмәткеле, рухлы шиғриәт бәйгеһе. Башҡорт рухы менән һуғарылған шиғырҙарҙы дәртле лә, тетрәндергес тә, уйландырғыс та, аптыратырлыҡ та, илатырлыҡ та итеп һөйләнеләр. Һөйкөмлө телебеҙҙең торошо, тыуған илебеҙ яҙмышы, ғәзиз еребеҙҙең киләсәге, Бөрйән урманы, себергә китеүселәр, ерҙәге йәшәү шарттарының насарлығы, туған телде уҡыуға ғариза яҙыу, Әсә һәм бала, халыҡ яҙмышы һ.б. киҫкен мәсьәләләрҙе Башҡорт дәүләт опера һәм балет театры сәхнәһенән бар ғаләмгә яңғыраттылар. Барлыҡ ҡатнашыусылар ҙа үҙенсәлекле, көслө булды. Хайсаровтар ғаиләһе бик лайыҡлы еңеү яуланы. Бигерәк тә еңеүсе һүҙен әйткәндәге шиғыры йөрәктәргә үтеп инде. Биш сәғәт дауамында барған көсөргәнешле бәйге һиҙҙермәй үтеп китте. Һеҙҙең, беҙҙең йөрәк һүҙе ауаздаш! Уңыштар һеҙгә!