Исламдашуубу же арабдашуубу?

Кыргызстанда дин мындан 20-30 жыл мурдагыга караганда аябай өзгөрдү. Ислам дини жана аны тутунгандар да азыр башкача. Мында таблиги жамаат уюмунун келишинин таасири чоң болду. Советтик системадан кайткандан кийинки диний эркиндиктин шарапаты менен болуп жатат. Социалдык тармактарда "Жума маарек болсун", "Орозоңор кабыл болсун" сыяктуу каалоо-тилектер көбөйдү. Шаардагы жеке ишканалардын дээрлик көпчүлүгү аптанын жума күндөрү иштебейт. Эл арасынан жума күндү жекшемби менен алмаштыруу керек деген ойлор айтылган учурлар бар. Көпчүлүк чиновниктер карапайым элдин калың катмарын өзүнө тартуу (шайлоолордо) максатында элге диндар көрүнгүсү келгени байкалат. Жолугушуулар, жыйындар мечитке барып ибадат кылган гана топ менен өтүп, ошолордун гана пикирлери менен эсептешип калгандай таасир калтырат. Араб тилиндеги сөздөрдү колдонуп сүйлөө модага айлангандай болуп келатат. Сакал коюп, узун көйнөк кийген жаштар көбөйүп келатат. Эмне, араб болобузбу же кыргыз бойдон калабызбы?.