К.Крапіва. Камедыя "Хто смяецца апошнім"

Кандрат Кандратавіч Крапіва - вядомы беларускі паэт, празаік, драматург, вучоны. Яго творчасць – цэлая эпоха ў гісторыі беларускай літаратуры і перш за ўсё ў нацыянальнай драматургіі. Яго камедыі – выдатнае дасягненне беларускай сатырычнайл ітаратуры. Камедыя “Хто смяецца апошнім” з’яўляецца адной з лепшых сатырычных п’ес Кандрата Крапівы. Паставіць чалавека на месца, сарваць маску з невуча і пляткара, высмеяць падхалімства, баязлівасць, прыстасаўленства, паказаць якую шкоду грамадству і навуцы прыносяць кар’ерызм і дэмагогія – гэтаму прысвечана камедыя “Хто смяецца апошнім”. Не гледзячы на тое, што п’еса Крапівы напісана ў 1939 годзе, у ёй ілжэвучоныя Гарлахвацкія, іх памагатыя Тулягі і Зёлкіны існуюць да гэтага часу, а сюжэт застаецца актуальным і ў нашыя дні.

Тэмы сачыненняў:

1. Туляга – пераможца ці ахвяра гарлахватчыны.
2. Станоўчыя і адмоўныя вобразы ў камедыі К.Крапівы “Хто смяецца апошнім”.
3. Выкрыццё Гарлахвацкага і гарлахватчыны ў камедыі К.Крапівы “Хто смяецца апошнім”.

Нагадваю, што аб’ём сачынення – 3-4 старонкі.

Выбірайце тэму, назапашвайце матэрыял.

Жадаю поспехаў!