Каада-салтты биле жур!

ЖҮГҮНҮҮ !

Келиндин жүгүнүүсү бир чети улууларга ыйбаа кылып саламдашып учурашканы болот.

Бирок эң негизгиси бата алуу болуп саналат. Келин астынан чыккан улуу Кишилердин жашына, даражасына, балдарынын санына, ден соолугуна, байлыгына, бийлигине, илим- билимдүүсүнө карап жүгүнүп бата берүүсүн тилек кылат.

Мисалы:-

60-70-80-90 жашка барып калгандарга

ушул кишинин жашына барайын,

Ушул Кишиникиндей ден соолук бер,

Ушул Кишиникиндей бала чакалуу болуп, тукумум көп болсун,

Күйөөм, балдарым, жерге жээгим бийликте болсун,

Байлыгы болсун деп ичинен тиленет.

Оорулуу Кишини көрсө:- Оо Жаратканым ушул пендеңди өзүң жараткансың, дене бойуна күч кубат бер, оорусуна шыпаа бере көр:

Маска да карап,- ушул пендең көргөн азап тозокту туугандарыма, жолдошума, балдарыма бере көрбө, бул адашкан пендеңди да ушул азаптан куткара көр, ж.б. толгон тилектерди ичинен айтып жүгүнгөн. Анан жүгүнгөн Кишисинен

-Кудай тилегиңди берсин,

-Менин жашыма жет,

-Тукумуң узарсын,

- Даражалуу бол,

-,Этегиңден жалгасын деген жана башка баталарын жүрөгүнөн берген, келин болсо-

Ушул батаңыздар кабыл болсун деп сүйүнгөн.

Баардык жүгүнүү тилек бата тилөө болуп эсептелет.