Канткенде адам улуу адам болот?

"Адам" сөзү өзү төрт тамгадан турганы менен, өз ичине жандырмаксыз табышмакты камтыган татаал жандык.

Адам - ыйыктын ыйыгы. Бирок ошол эле учурда адамдан өткөн жырткыч жок.

Ата-энелер дайыма балдарына : "Балам, адам бол!" деген ыйык сөздү буйрук иретинде айтышат. Бирок биз канткенде алар ойлогондой адам болобуз? Дегеле кандай адам болуубуз керек?

Улуу залкарыбыз Ч.Айтматов мындай деген экен: "Баарынан күнүгө адам болуу кыйын". Бул асыл оюнда жөн гана адам болуу эмес, нак адамдык сапатты, адамдык ыйык касиетти алып жүрүү кыйындын кыйыны, тозоктун тозогу дегендик. Менимче, андай ыйык касиеттерге бардыгыбыз ээ эмеспиз. Балким андай касиеттерди бир гана улуу адамдар алып жүрөөр. Ойлоп коём, баарыбыз алардай болгонубузда жер бетинде, негизи эле жашообуз бейпилчиликте өтмөкпү, ким билсин?!