Қазақ хандарының шежіресі

Қазақ хандары әулеті
Қазақ хандығының байрағы
Ел	Қазақ хандығы
Әулет негізін салушы үй	Шыңғыс хан әулеті
Титулдары	Хан, сұлтан, ханзада
Әулет негізін салушы	Керей хан
Соңғы билеуші	Кенесары хан
Әулет негізі салынған жыл	1464 (1465)
өңдеу

Қазақ хандығында 1459 – 1847 жылдар аралығында билік жасаған әулет шежіресі.

Шыңғыс ханның үлкен ұлы Жошы ханнан бастау алады. Қазақ хандарының атасы – Орыс хан. Оның аталары жөнінде тарихи әдебиетте екі жақты пікір қалыптасқан. Бірінде оны Жошы ханның 13-ұлы Тоқай Темір әулетінен таратады («Нұсрат-Намэ», «Му'Уииз әл-ансаб», «Түрік шежіресі» (Әбілғазы Баһадүр Хан), «Шыңғыснама» (Өтеміс қажы), кейіннен Ш.Уәлиханов пен Ш.Құдайбердіұлы, т.б.). Осы жазба деректерге байланысты Қожа Ахмет Иасауи мазарында қойылған хандар тақтасында қазақ хандары “Тоқай Темір әулетінен” деп жазылған. Екіншісінде – Жошының үлкен ұлы Орда Еженнен тарайды (Ф.Рашид-ад Дин, В.Вельяминов-Зернов, П.Савельев, Т.Сұлтанов, т.б.). Орда Ежен хан Жошы ұлысының сол қанатын басқарды, Жошының 5-ұлы Сыбан (Шайбани) мен Тоқай Темір сол қанаттың құрамындағы кіші отаулар болды^[1].