Կրտսեր դպրոցականի հարմարման առանձնահատկությունները

Կրտսեր դպրոցական տարիքը անձի կայացման կարևորագույն շրջափուլերից մեկն է:Այդ ընթացքում է տեղի ունենում անցումը անհոգ մանկությունից այնպիսի մի շրջանի,երբ անհրաժեշտություն է ծագում ստանձնելու նոր դերեր և իրականացնելու ուսումնական տարբեր պահանջներ:Այս պարագայում անգնահատելի է ուսուցչի դերը,որը պետք է նպաստի դպրոցականի հարմարման գործընթացին: Երեխան դպրոցում անցնում է հարմարման երկու հիմնական փուլ`դպրոցին հարմարվելու և կրտսեր դպրոցից միջին դպրոցին անցնելու շրջան:Հայտնվելով նոր սոցիալական իրավիճակում`նա փորձում է ակտիվորեն հարմարվել դրան: Անձնային,ֆիզիկական առանձնահատկություններից և սոցիալական գործոններից ելնելով`տարբեր աշակերտներ տարբեր կերպ են հաղթահարում այս փուլը:Գոյություն ունեն համարման տարբեր մակարդակներ: *ԲԱՐՁՐ ՄԱԿԱՐԴԱԿ:Առաջին դասարանցին դրականապես է վերաբերվում դպրոցին, ներկայացվող պահանջների հանդեպ ունի համարժեք վերաբերմունք:Հեշտ է յուրացնում ուսումնական նյութը,կարողանում է լուծել տարիքին համապատասխան բարդ խնդիրներ: *ՄԻՋԻՆ ՄԱԿԱՐԴԱԿ:Առաջին դասարանցին հաճույքով է հաճախում դպրոց,հասկանում է ուսուցչի հրահանգները,հեշտությամբ է յուրացնում ուսումնական նյութը,եթե ուսուցչի բացատրությունները հստակ են և ակնառու: *ՑԱԾՐ ՄԱԿԱՐԴԱԿ:Երեխան բացասական վերաբերմունք ունի կամ անտարբեր է դպրոցի հանդեպ:Հաճախ է հիվանդանում:Գերակայում է ճնշված տրամադրությունը:Բացատրված նյութը յուրացնում է ոչ լիարժեք:Դժվարանում է ինքնուրույն աշխատել: