Курандын түзүлүшү

Куранда ар кандай (3 аяттан баштап, 286 аятка чейинки) узундуктагы 114 сүрө бар. Бардык сүрөлөр аяттарга бөлүштүрүлгөн. Ар кайсы эсептөөлөр боюнча Куранда 6236 аят бар.

Курандын тогузунчу (Ат-тавба) сүрөсүнөн башка бардык сүрөлөрү: “Бисмиллахи Рахмаанир Рахим – Мээримдүү, Ырайымдуу Кудайдын ысымы менен баштаймын” деген сөздөр менен башталат. Анткени бул сүрөдө Кудай көп кудайга ишенген каапырлардан баш тартат жана аларга түбөлүк жазаны убада кылат. Курандын сүрөлөрү эрежеден тышкары кээ бир учурларды айтпаганда хронологиялык эмес, көлөмүнө жараша жайгаштырылган. Башында узун сүрөлөр, андан кийин аяттардын саны улам-улам азайган түрдө берилет. Курандын эң узун сүрөсү - Бакара (2-сүрө), эң кыска сүрөсү – “Кавсар” (108-сүрө).