Кыргыз тилин кантип илимдин тилине айлантабыз?

Үмүт Култаева: - Мен ушул «Коомдук аң-сезим» деген сөздү «Улуттук аң-сезим» дегенге алмаштырат элем. Анткени улуттук тилибиздин талапка ылайык деңгээлде өнүгүшү үчүн коомдук аң-сезимден мурда улуттук аң-сезимибиз жогорулашы керек. 70 жыл бою биз өзүбүздүн тарыхты талапка ылайык окубадык. Анын ордуна Советтер Союзунун тарыхын окугандыгыбыз эч кимге жашыруун деле эмес. Натыйжада биздин улуттук аң-сезимдин жакшы бир күүгө келе албай жатышы бүгүнкү күндө ачыкка чыгып отурат. Айтматов айткандай, өз убагында кетирген каталарыбыз бүгүн мина сыяктуу жарылып, бизди жаралап турган кези.

Ката жазгандан, сүйлөгөндөн эч ким уялбай калды. Мунун мисалы катары чоң масштабдуу иш-чараларда, чет өлкөдөн келген ректорлордун алдында Билим берүү министрлиги тарабынан ката жазылган жазуулар болгондугун айтсак болот.

Улуттук аң-сезимдин жетиштүү калыптанбай калышын шарттаган факторлордун бири катары өз учурунда тарыхый чыгармалар да талапка ылайык окулбаганын айтсак болот. «Кандуу жылдар», «Сынган кылыч» куугунтукталып, авторлору абакка алынды. Так ушуга окшогон себептерден улам улуттук аң-сезим жараланып турат.

Толук материалды https://www.azattyk.org/a/kyrgyz-language-humanitarian-education/30615889.html дарегинен окусаңар болот.