Кызыктуу Манас эпосу

Студенттерди кыргыз көчмөн цивилизациясынын керемет кенчи «Кыргыз рухунун туу чокусу» (Ч.Айтматов), элдик оозеки көркөм өнөрүнүн эң бийик үлгүсү, дүйнөлүк адабияттын улуу классикасы, жер жүзүнүн элдеринин эпосторуна салыштырмалуу теңдешсиз монументалдуу океан "Манас" дастанынын негизги сюжети жана анын эл оозунан жыйналуу, китеп болуп басылып чыгуу тарыхы, кыргызстандык жана дуйнөлүк окумуштуулар тарабынан изилденүү таржымалы, бүгүнкү күн үчүн мааниси, театрда, сүрөттө, кино, музыкада, адабиятта өздөштүрүлүшү, эпос даңазалаган идеялар, рух дөөлөттөр, тил байлыгы, тарбиялык-элдик педагогикалык керемети жөнүндө түшүнүк берүү дисциплинанын максаты болуп саналат.

Эпостун сюжетиндеги идеялардын баалуулугун бүгүнкү келечек муундун ички психологиясы сиңирүү, алардын жүрүш-турушунда эпостон алган таасилерди этнопедагогикалык жактан тереңдетүүнү күчөтүү. Кыргыз элинин өткөн тарыхы, үрп-адаты, каада-салты, маданияты, этнографиясынын жана басып өткөн доорлорунун «Манас» эпосунун пайда болушуна тийгизген таасири, кыргыз элинин көркөм ойлоосунун бийиктиги, дүйнө элдеринин эпикалык чыгармаларынын ичинен алган орду, кыргыз урпактары үчүн түбөлүктүүлүгүн окуп үйрөтүү.