Мугалимдин анты

Мен Кыргыз Республикасынын мугалими катары:

-улутубуздун эзелтен мурас болуп келе жаткан уңгулуу урпак тарбиясынын учугун татыктуу улантууга;

-улуу Манас бабабыздын осуяттарын жаш муундардын аруу жүрөктөрүнө жеткирип,элибиздин биримдиги менен бакубаттуулугун,мамлекетибиздин көз карансыздыгы менен бүтүндүгүн коргогон патриот уул-кыздарды тарбиялап өстүрүүгө жана аларга жеке үлгү болууга;

-даанышман бабаларыбыздын акыл -ой мурастарын,элибиздин жан дүйнөсүн ээлеген ыйык ата салттарын касиеттүү Ала-Тообуздун келечек ээлерине көөнөртпөй жеткирүүгө;

-эне тилибиз менен Ата Мекенибиздин намысына жараган,аларды өнөр-билими менен дүйнөгө таанытып,интелекти бийик,руху терең инсандарды мектеп партасында калыптандырууга бүткүл акыл-сезимим менен адал эмгегимди жумшоого;

-элибиздин гүлдөп өскөн тынч күндөрүндө да,башына кыйынчылык түшкөн оор күндөрдө да аны адал ниет менен сүйүүгө жана ага ак дилден кызмат кылууга

АНТ БЕРЕМИН!