Музыка кандайча таасир этет?

Адам организминин 60-80 % суудан турары эч кимге деле жаңылык эмес. Так ушул суулар денебизде ар кандай дабыштык термелүүлөрдү кулак менен гана укпастан, ар бир клеткабыз менен сезебиз. Ар кандай баш аламандыктар бизди стресстин абалга алып келип, көңүлүбүздү чөгөрөт. Натыйжада иммундук системабыз начарлап организмибиз алсыз болуп калат. 90 децибелден жогору үн толкундары стрессти пайда кылып, угуу жөндөмүбүздү начарлатат. Доктор Пиерс Ховардын айтымында жогорку жыштыктагы кыймылдуу музыка адамдын аң сезимине алкоголдук ичимдиктердей, баңгизаттардай таасир берип, жүүнүн бошотуп, көз каранды абалга алып келет. Биз сезген үндөр курсактагы балага да таасирин тийгизет. Түйүлдүктөгү баланын угуусу 16 жумадан кийин эле өөрчүйт.

Адамдын үнүнүн дарылык касиети бар. Бирок, адамдад аны баалуулугун толук түшүнө элек. Үн бүт клеткаларга жана органдарга таасир берет. Ал эми анын дарылык касиетин колдонуу үчүн жагымдуу музыка угуу керек.