Наҗип Асанбаев

Күренекле драматург Н.Асанбаев 1921 елның 7 ноябрендә Башкортостанның Бакалы районы Ахман авылында туа.

Бик күп драма әсәрләре бүген дә сәхнәдә куела. Иҗаты күп кырлы.

2021 нче елның көзе аеруча истәлекле.Заманыбызның күренекле драматургы, Башкорт театр сәнгатенең абруен Башкортостанда һәм Русиядә генә түгел, дөнья күләменә күтәргән Нәҗип Асанбаевның 100 еллык юбилее!

“Нәҗиб Асанбаев тема тапкан, әдәбиятта үз сүзен әйтә алган бәхетле сүз рәссамнарына карый” - дип билгеләде Гыйлемдар Рамазанов.

Бөек Ватан сугышы драматургның төп темаларының берсенә әйләнде. Нәҗип Асанбаев Бөек Ватан сугышын башыннан ахырына кадәр үтеп, аның кешелек өчен китергән бар авырлыгын күргән, кайгы, күз яшьләре аша килгән Җиңүнең кадерен белгән бөек шәхес. Сугыш кырларында ятып калган, хәбәрсез югалган солдатларның истәлекләрен мәңгеләштерү – язучының әсәрләрендә күтәрелгән темаларның иң актуале.

Якташ - драматург Нәҗип Асанбаев әсәрен тикшергәннән соң йомгаклап шуны әйтәсе килә. Әдип әсәрләре тормышчан, ихлас. Нинди генә темага язмасын hәр юлы саф хисләр, үзе кичергән тойгылар белән баетылган. Пьесаларының hәрбер җөмләсендә тирән мәгънә ята, бу язучының иҗатын төптән өйрәнергә этәргеч ясый. Әсәрләре аша ул тормышның матурлыгын күрергә, Җир йөзендә тынычлыкның ни дәрәҗәдә кадерле икәнен аңлата.