Нуска сөздөр

Буйурбаган насипти тата албайсың,

Ажалды алдап эч жакка кача албайсың.

Тагдыр так, андан эч бир кече албайсың.

Аракетсиз кыялыңа жете албайсың.

Тажаалды тарбиялаш тек убара,

Тагдыры дал ошондой болгон ага.

Нарк кайда?

Бийликтин наркы улуктук, байлыктын наркы берешендик. Акылдын наркы сабырдуулук, баатырдын наркы намыстуулук, чындыктын наркы калыстык.

Акчанын баркы карыз сураганда, акылдын баркы кеңеш сураганда билинет.

Азга топук,шүгүрчүлүк билдиргин, напси агытып көпкө да тойбос болуп кетпегин.

Бийликке жетип, тийбесе пайдаң элиңе, убада берип бийликке бардың эмнеге?

Бул кылган сенин пастыгың, элине кылган кастыгың.

Жакшы көргөн адамың көңүлүңдү калтырып, анын жаман,терс мүнөз,сапаттарын биле баштаганыңда, ал сенин эң жек көргөн адамыңа айланат.