Педагогика сабагы.

Балдарды жакшы көрүү керек.Ар бир баланы психологиясын билип психологиясына жараша мамиле кылышыбыз керек.Биз мугалимдер балдар аппак кагаздай экенин эсибизден чыгарбашыбыз керек.Ак баракка түстүү карандаш менен жазсак түстүү, ар тараптуу бала тарбиялап жаткандыгыбызды билишибиз керек.Ошондуктан биз жаш өсүп келе жаткан балага жакшы мамиле жасашыбыз зарыл. Практикада көрсөткөндөй балдарды эмнеге тарбияласак ошого багыт аларын эстен чыгарбашыбыз зарыл.Класста отуз бала болсо отузунун мүнөзү отуз түрдүү экенин билебиз.Балдар эч качан бири-бирине окшобойт. Балдардын ичинде мүнөзү катаал,боорукер,шайыр ж.б балдар кезигет.Ар бир баланын мүнөзүнө карап,баарынын оюн бир нерсеге буруу бул мугалимдин милдети болуп саналат.Мүнөзү канчалык оор болсо да ал катаал үй -бүлөөдө тарбиялангандыгын билишибиз зарыл.Эгер боорукер бала болсо,үй-бүлөөсү аябай тарбиялуу болот.Бирок биз мугалимдер кандай үйдөн келгенине карабай бирдей мамиле түзүшүбүз керек.Ошондо гана биз балдарды инсан катары тарбиялаган болобуз.Ар бир баланы сүйүшүбүз керек.