Сабатсыздарды шайлоо - өзүбүзгө кыянаттык

Журналист Жолдош Турдубаевдин макаласынан.

Баарынан да Ата Бейиттеги стелла бетине Чыӊгыз Айтматовдун “Кылым карытар бир күн” романынан алынган цитатанын минтип жазылганы көзгө сайылган тикендей эле болуп турат:

Мында “мал-мүлктү” – тире эмес, дефис коюлушу, “эс-үчүн” эмес, “эс-учун”, “шундукту” эмес, “шумдукту”, “араӊ” эмес, “арам”, “кыяматчылык” эмес, “кыянатчылык” деп жазылышы керек эле. Менимче, муну ушул жазуунун тууралыгына көз салууга милдеттүү болгондордун эсебинен оңдоттуруу зарыл. Балким, баары туурабы деп эч кимден сурашкан да эместир – андай болсо, ишке кайдыгер, шалаакы карагандар жазаланышы кажет.