Сабаттуулук жөнүндө

Кечээ, 2022-жылдын 18-октябрында Жогорку Кеңеш заманбап шартка жана жаңы чакырыктарга ылайык иш алып барышы керектигин белгилеген Төрага Нурланбек Шакиев: “Парламент коомду алдыга сүрөп, агартуучулук милдетти да аркалашы кажет. Ар бир кабыл алган мыйзамдарыбыз, токтомдорубуз жана чечимдерибиз өлкөбүздүн жаркын келечегине кызмат кылышы үчүн сапатына өзгөчө көңүл бурушубуз зарыл. Бардыгынын түп нускасы мамлекеттик тилде даярдалып, орфографиялык, стилдик, пунктуациялык жана башка каталарга жол бербөө негизги милдетибиз болушу шарт”, – деди. Буга чейин бир мыйзам долбоорундагы кетирилген 167 ката тууралуу массалык маалымат каражаттарында сөз болгон эле. Демек, азыркы учурдун кадрлары чындап эле сабатсыз болуп баратабы? Агартуучулук милдет билим берүү кызматкерлерине жүктөлгөндүгүн эске алганда, бизди ойлонтчу маселе.