Семинар, тренер, курстар.

Биз 5 кундон бери "Келечек билим берүү" долбоорунун алкагындагы "Санариптик сапаттуулук" курсун окуп бүтүрдүк. Бул курстун максаты - Санариптик сабаттуулукту өркүндөтүү жана PISAга даярдыктар боюнча,маалыматтык -коммуникациялык технологияларды натыйжалуу колдонуу. Бул проект китеп,дептер,ручка жана карандаш,кофе-брейк жана түшкү тамакты камсыздап берди. Бизди окутуп,үйрөткөн тренер мугалим Заирова Нуркыз Улукбековна болду.

Эң биринчи күнү Google аккаунт ачууну, цифровая грамотность сайтын үйрөндүк. Билим берүүдө МКТнын актуалдуулугу.(Эл аралык артыкчылыктар жана мүмкүнчүлүктөр) темасынын алкагында Google сервис аркылуу эссе жаздык. Даяр ишибизди цифровая грамотность сайтындагы жеке кабинетибизге жүктөдүк. Калган күндөрү да кайсы сайттан, кандай иш чара аткарсак, баарын жеке кабинетибизге жүктөп турдук.

Бул 5 күн аралыгында тренер Нуркыз Улукбековна мугалимдер үчүн эң керектүү болгон сайттарды, оюндарды, маалыматтарды жана кеп кеңештерин үйрөттү. Мугалимдерибиз тренердин бизге берген билимдерине аябай ыраазы болушту, бул арада мен да ыраазы болдум, көп нерселерди үйрөндүм. Буюрса алган билимдеримди мамлекетибиздин жаштарына билим берүүдө колдоном.