Ш. Токсонов атындагы орто мектеби жөнүндө маалымат.

Баткен районуна караштуу Ш. Токсонов атындагы орто мектеби 1972-жылы курулган.Башталгыч класстын окуучуларына БУУнун "Азык түлүк" программасынын негизинде ысык тамак уюшулган.Окуучулардын билим алуусуна шарт түзүү жана билим сапатын жогорулатуу максатында Ага-Хан фондунун "Кыргызстандын жана Тажикстандын жаратылыш ресурстарын натыйжалуу башкаруу аркылуу туруктуулукту бекемдөө долбоору, "Келгиле окуйбуз" долбоору, Көп тилдүү билим берүү программасы, Биом экологиялык кыймылынын "Коопсуз мектеп" долбоору, окуучулардын жарандык компотенттүүлүгүн жогорулатуу максатында " Жарандык модель"ж.б.долбоорлор менен иш алып барып келебиз.

2019-2020-окуу жылында 905 окуучуга 55мугалим бүгүнкү күндүн талабына ылайык билим, тарбия берүүдө.Өткөн окуу жылында 11-класстын бүтүрүүчүлөрүнүн 2 окуучу " Алтын тамга" артыкчылык аттестатынын ээси болушту."Акылдуу мектеп жана мугалим" долбооруна пилоттук мектеп катары тандалып алынып, бүгункү күндө мектепте электрондук системада иш жүргүзүлөт. 2020-жылдын 7-февралында өткөрүлгөн мектеп окуучуларынын областтык "Биз -XXI кылымдын интелектуалдарыбыз" сынагында илимий-техникалык изилдөөчүлүк жана ойлоп тапкычтык жөндөмү үчүн Шарап Токсонов атындагы орто мектебинин командасы 2-орунду ээлеп, 2-даражадагы диплом менен сыйланышты.8-класстын окуучусу Зайирбек уулу Сыймык сынактын республикалык туруна жолдомо алды.

Буюрса дагы алдыда көптөгөн ийгиликтерди багынтабыз!