Стресс сыныҡтыра ғына. "Йәшлек"гәзитенән.

Бөтә кешеләргә хас бер үҙенсәлек бар:ул -стресҡа дусар булыу. доктор Бенсабаттың бер-нисә кәңәше. Өйҙә лә, эштә лә башҡа кеше булып күренергә, кемгәлер оҡшарға тырышмағыҙ.Үҙегеҙгә нимә кәрәген, тормошоғоҙҙо нисек тәртипкә килтерегә кәрәклекте, нимәгә ирешергә теләүегәҙҙе асыҡлағыҙ. Был маҡсатҡа ирешә алаһығыҙмы- беренсе сиратта шунан сығып эш итегеҙ. Көн дә башҡара торған эшегеҙҙе, көндәлек йәшәйешегеҙҙе төрлөләндерегә кәрәк. Хәл итеп булмаҫтай проблемаларға осрағанда, уларҙы теләһә ниндәй юлдар менән йырып сығырға тырышмағыҙ. Сөнки ҡайһы саҡта сәләмәтлек хаҡына "тауҙы урап уҙыу" яҡшыраҡ һәм файҙалыраҡ. Эске хистәрегеҙ ташып торғанда, уларҙы тышҡа сығарыуҙан ҡурҡмағыҙ, кәрәк икән ултырып илағыҙ. Кире энергияны үҙ эсеңә йыймаҫҡа кәрәк. Файҙаһыҙ низағтарҙан һәм асыҡлауҙан һаҡланығыҙ. Проблемаға алыҫтан күҙ ташлағыҙ, уларҙың мөһимдәрен генә һайлап алығыҙ. Эргәләгеҙҙәге кешеләрҙән сиктән тыш күп талап итмәгеҙ. Үҙегеҙҙә булғандың ҡәҙерен белегеҙ, булмағанға үкенмәгеҙ.Күңелһеҙ мөнәсәбәттәргә инмәҫкә, энергияғыҙҙы күп ала торған кешкләрҙән ҡасырға кәрәк.Үҙ иңегеҙгә саманан тыш күп йөк алмағыҙ., әммә шул уҡ ваҡытта артығыраҡ эшләүҙән дә ҡурҡмағыҙ.